ಚಂಬಲ್ ಉದ್ಯಾನವನವು ಅಮರ್ ನಿವಾಸ್ ಬಳಿ ಹರಿಯುವ ಚಂಬಲ್ ನದಿಯ ದಂಡೆಯಲ್ಲಿ ನೆಲೆಸಿದೆ. ಈ ಸುಂದರವಾದ ಮತ್ತು ಬೃಹತ್ ಉದ್ಯಾನವನವು ಪ್ರಶಾಂತವಾದ ವಾತಾವರಣದಲ್ಲಿ ನೆಲೆಗೊಂಡಿದ್ದು, ವಿಹಾರಕ್ಕಾಗಿ ಹೇಳಿ ಮಾಡಿಸಿದ ತಾಣವಾಗಿದೆ. ಉದ್ಯಾನವನದ ನಡುವೆಯಿರುವ ಕೊಳವು ಹಲವು ಮೊಸಳೆಗಳಿಗೆ ಆಶ್ರಯವನ್ನು ಒದಗಿಸಿದೆ. ಈ ಕೊಳದ ಮೇಲೆ ಒಂದು ತೂಗು ಸೇತುವೆಯನ್ನು ನಿರ್ಮಿಸಲಾಗಿದೆ.

ಒಂದಾನೊಂದು ಕಾಲದಲ್ಲಿ ಈ ಕೊಳದಲ್ಲಿ ಬರೀ ಮೊಸಳೆಗಳೆ ತುಂಬಿ ತುಳುಕುತ್ತಿದ್ದವು. ಆದರೆ 20 ನೇ ಶತಮಾನದ ನಡುಭಾಗದಲ್ಲಿ ಕೆಲವು ಮೊಸಳೆಗಳನ್ನು ಬೇಟೆಯಾಡಿ ಕೊಲ್ಲಲಾಯಿತು. ಅವುಗಳಲ್ಲಿ ಬದುಕುಳಿದಿರುವುದನ್ನು ನಾವು ಈಗ ಈ ಕೊಳದಲ್ಲಿ ಕಾಣಬಹುದಾಗಿದೆ. ಘರಿಯಾಲ್ ಎಂಬ ಸಣ್ಣ ಮೂತಿಯಿರುವ ಮೊಸಳೆಗಳನ್ನು ಈ ಕೊಳದಲ್ಲಿ ಕಾಣಬಹುದು.