ಕೀಳಾ ಕಸಕುಡಿ, ಕಾರೈಕಾಲ್ ಪಟ್ಟಣದಿಂದ 4 ಕಿಲೋಮೀಟರ್ ದೂರದಲ್ಲಿದೆ. ಇದು ಕಾರೈಕಾಲ್ ಜಿಲ್ಲೆಯ ಉತ್ತರ ಭಾಗದಲ್ಲಿದೆ ಮತ್ತು ಈ ಸ್ಥಳವು ಪುರಾತತ್ವದ ದೃಷ್ಟಿಯಿಂದ ಹೆಚ್ಚು ಪ್ರಸಿದ್ಧವಾಗಿದೆ. ಎಮ್. ಜೆ.ಡೆಲ್ಫನ್ 1879 ರಲ್ಲಿ ಈಗ್ರಾಮದಲ್ಲಿ ಪ್ರಸಿದ್ಧ ಕಸಕುಡಿ ತಾಮ್ರದ ಫಲಕಗಳನ್ನು ಕಂಡುಹಿಡಿದರು. ಹಳ್ಳಿಯ ಕೇಂದ್ರದಲ್ಲಿರುವ ಎರಡನೇ ನಂದಿವರ್ಮನ್ ವಿಗ್ರಹ ಪಲ್ಲವ ಆಡಳಿತದ ಅವಧಿಯಲ್ಲಿ ಇಲ್ಲಿ ಬದುಕಿದ ಸ್ಥಳೀಯರ ಸಮೃದ್ಧ ಸಾಂಸ್ಕೃತಿಕ ಮತ್ತು ಸಾಂಪ್ರದಾಯಿಕ ಮೌಲ್ಯಗಳನ್ನು ಪ್ರದರ್ಶಿಸುತ್ತದೆ. ಶಿವನ ಪ್ರಾಚೀನ ದೇವಾಲಯ ಈ ಸ್ಥಳದ ಮತ್ತೊಂದು ಪ್ರಮುಖ ಆಕರ್ಷಣೆಯಾಗಿದೆ. ಕೀಳಾ ಕಸಕುಡಿ ಗ್ರಾಮಕ್ಕೆ ಇತಿಹಾಸ ಮತ್ತು ಸಂಸ್ಕೃತಿಯಲ್ಲಿ ಆಸಕ್ತಿ ಹೊಂದಿರುವ ಜನರು ಹೆಚ್ಚಾಗಿ ಭೇಟಿ ನೀಡುತ್ತಾರೆ.