ಝಾಲಾವರ್ ಕೋಟೆಯನ್ನು ಗಾರಹ್ ಅರಮನೆ ಎಂದೂ ಕರೆಯಲಾಗುತ್ತದೆ. ಇದು ಝಾಲಾವರ್ ನಗರದ ಮಧ್ಯಭಾಗದಲ್ಲಿದೆ. ಮಹಾರಾಜ ರಾಣಾ ಮದನ್‌ ಸಿಂಗ್‌ ಈ ಕೋಟೆಯನ್ನು 1840-1845ರಲ್ಲ ಕಟ್ಟಿಸಿದ. ಸದ್ಯದಲ್ಲಿ, ಈ ಕೋಟೆಯಲ್ಲಿ ಕಲೆಕ್ಟೋರೇಟ್‌ ಮತ್ತು ಇತರ ಪ್ರಮುಖ ಸರ್ಕಾರಿ ಇಲಾಖೆಗಳು  ಕೆಲಸ ಮಾಡುತ್ತಿವೆ. ಮಹಾರಾಜರ ನಂತರದ ರಾಜರು ಈ ಕೋಟೆಯ ಸೌಂದರ್ಯವನ್ನು ಹೆಚ್ಚಿಸಿದರು. ಪೇಂಟಿಂಗ್‌ಗಳನ್ನು ಕೋಣೆಯ ಒಳಗಡೆ ಇಡಲಾಗಿದ್ದು, ಸೂಕ್ತ ಅಧಿಕಾರಿಗಳ ಪರವಾನಗಿಯನ್ನು ಪಡೆದ ನಂತರದಲ್ಲಿ ಈ ಪೇಂಟಿಂಗ್‌ಗಳನ್ನು ಪ್ರವಾಸಿಗರು ವೀಕ್ಷಿಸಬಹುದು. ಝಿನಾನಾ ಖಾಸ್‌, ಇಲ್ಲಿನ ಮಹಿಳೆಯರ ಅರಮನೆಯಾಗಿತ್ತು. ಈ ಅರಮನೆಯ ಗೋಡೆಗಳ ಮೇಲೆ ಗಾಜಿನ ಚಿತ್ತಾರಗಳಿವೆ. ಇದು ಹದೋತಿ ಕಲಾತ್ಮಕತೆಗೆ ಸಾಕ್ಷಿಯಾಗಿದೆ.