ಇಟಾನಗರದಲ್ಲಿರುವ ಗಂಗಾ ಸರೋವರವು ಅರುಣಾಚಲ ಪ್ರದೇಶದಲ್ಲಿರುವ ಪ್ರಸಿದ್ಧ ಪ್ರವಾಸೀ ತಾಣವಾಗಿದೆ. ಸ್ಥಳೀಯವಾಗಿ ಇದು ಗೇಕರ್ ಸಿನ್ಯಿ ಅಥವಾ ಗೇಯ್ಕರ್ ಸೆನ್ಯಿಕ್ ಎಂದು ಕರೆಯಲ್ಪಡುತ್ತದೆ. ರಾಜಧಾನಿಯಿಂದ 6 ಕಿ.ಮೀ. ದೂರದಲ್ಲಿರುವ ಈ ಐತಿಹಾಸಿಕ ಸರೋವರವು ತನ್ನ ಸುತ್ತಮುತ್ತಲೂ ಹಚ್ಚ ಹಸುರಾದ ಅರಣ್ಯದಿಂದ ಕಂಗೊಳಿಸುತ್ತಿದ್ದು, ಮುಖ್ಯವಾಗಿ ಈ ವನದಲ್ಲಿ ಅತಿ ಪುರಾತನ ಕಾಲದ ಸಸ್ಯವರ್ಗಗಳಿವೆ. ಎತ್ತರದ ವೃಕ್ಷಗಳು, ಆರ್ಕಿಡ್ ಗಳು ಮತ್ತು ಹೂ ರಹಿತ ಸಸ್ಯಗಳು ಸರೋವರದ ಸೌಂದರ್ಯವನ್ನು ನೂರ್ಮಡಿಗೊಳಿಸುತ್ತವೆ. ನಯನಮನೋಹರ, ಶಾಂತ ಸರೋವರವು ಅತಿ ದೃಢವಾದ ಬಂಡೆಗಳನ್ನೂ ಸಹ ಹೊಂದಿದೆ.
ನಿಯ್ಶಿ ಯಲ್ಲಿರುವ ಗೆಕರ್ ಸಿನ್ಯಿ ಯ ಭಾವಾರ್ಥವು "ನಿಂತ ನೀರು" ಎಂದಾಗುತ್ತದೆ. ಬಂಡೆಗಳಿಂದ ಆವೃತವಾದ ಈ ಜಲಪ್ರದೇಶವು ಒಂದು ಪ್ರಸಿದ್ಧ ಸುವಿಹಾರೀ ತಾಣವಾಗಿದೆ. ದೋಣಿವಿಹಾರದ ಸೌಲಭ್ಯ, ಈಜುಕೊಳ, ಮತ್ತು ಸುತ್ತಣ ಪರಿಸರದ ಪ್ರಕೃತಿಯನ್ನು ಸವಿಯುತ್ತಾ ಅಡ್ಡಾಡಲು ಕಾಲ್ನಡಿಗೆಯ ಮಾರ್ಗ ಇವೆಲ್ಲವೂ ಪ್ರವಾಸಿಗರನ್ನು ಮೋಡಿ ಮಾಡುತ್ತವೆ. ಈ ಪ್ರಶಾಂತ, ಪ್ರಾಕೃತಿಕ ಸರೋವರವು ಹಿಮಾಲಯದ ತಪ್ಪಲಲ್ಲಿದ್ದು, ತನ್ನ ಪರಿಸರದಲ್ಲಿ ಸಮೃದ್ಧ ಹಸಿರನ್ನು ಹೊಂದಿದೆ. ಅದ್ವಿತೀಯ ಪುಷ್ಪರಹಿತ ಮರಗಳು ಈ ತಾಜಾ ನೀರಿನ ಸರೋವರವನ್ನು ಇನ್ನಷ್ಟು ಸೊಗಸಾಗಿಸಿವೆ.
ನಾನಾ ಕಾರಣಗಳಿಗಾಗಿ ಈ ಸರೋವರವು ವಿಶ್ವದಾದ್ಯಂತದ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಸರೋವರದ ನೀರು ಪ್ರವಹಿಸದಿರುವುದರಿಂದ, ಇದು ಸದಾ ಹಸಿರು ವರ್ಣದ್ದಾಗಿದೆ. ಸರೋವರದ ಅವಿಸ್ಮರಣೀಯ ಸೌಂದರ್ಯವಲ್ಲದೇ, ಇದರ ಬಗ್ಗೆ ಕೆಲವು ದಂತಕಥೆಗಳು ಈ ಸರೋವರದ ನೀರಿನ ಕುರಿತಾಗಿಯೂ ಸಹ ಇವೆ. ಸರೋವರದ, ಸೆರೆಹಿಡಿಯಲು ಯೋಗ್ಯವಾದ ನೋಟಗಳನ್ನು ಇಲ್ಲಿನ ಪ್ರವಾಸಿಗರು ತಮ್ಮ ಕ್ಯಾಮರ ಕಣ್ಣಿನಲ್ಲಿ ಸೆರೆಹಿಡಿಯುತ್ತಾರೆ.