Click it and Unblock the Notifications
ಶಿನ್ಮಹಿನ್ಯು ಅಂತಲೂ ಕರೆಸಿಕೊಳ್ಳುವ ಫಿರೋಜ್ಪುರ್ ನಾಲಾವು ಒಂದು ನೈಸರ್ಗಿಕ ತೊರೆಯಾಗಿದ್ದು, ಗುಲ್ಮಾರ್ಗ್ ದಿಂದ 5 ಕಿ.ಮೀ. ದೂರದಲ್ಲಿರುವ ಫಿರೋಜ್ಪುರ್ ಶಿಖರ ಶೃಂಗದಿಂದ ಉಗಮಗೊಳ್ಳುತ್ತದೆ. ಈ ನೀರಿನ ಕೊಳವು ಪ್ರವಾಸಿಗರನ್ನು ಅಪಾರವಾಗಿ ಸೆಳೆಯುತ್ತದೆ. ಇಲ್ಲಿ ಪ್ರವಾಸಿಗರು ಗಾಳ ಹಾಕಿ ಮೀನು ಹಿಡಿಯುವ ಕ್ರಿಯೆಯ ಆನಂದವನ್ನು ಅನುಭವಿಸಬಹುದು.
ಸ್ಥಳೀಯರು ಈ ಕೊಳದ ನೀರನ್ನು ಕುಡಿಯುವ ಕಾರ್ಯಕ್ಕೆ ಬಳಕೆ ಮಾಡುತ್ತಾರೆ. ಇವರ ನಂಬಿಕೆ ಪ್ರಕಾರ, ಪರ್ವತಗಳ ಮೇಲಿರುವ ದೇವರ ಆಶೀರ್ವಾದ ಈ ನೀರಿನಲ್ಲಿದೆ. ಇದು ಇಲ್ಲಿನ ಅನೇಕ ಜನಪ್ರಿಯ ಪ್ರವಾಸಿತಾಣಗಳಲ್ಲಿ ಒಂದೆನಿಸಿದೆ. ಫಿರೋಜ್ಪುರ್ ನಾಲಾಗೆ ಪ್ರವಾಸಿಗರು ಬರುವುದು ಇನ್ನೊಂದು ಕಾರಣಕ್ಕೆ. ಇಲ್ಲಿನ ತೋಸಾಮೈದಾನ್ಗೆ ಭೇಟಿ ನೀಡಲು. ಇದು ಮೂರು ದಿನಗಳ ಟ್ರೆಕ್ಕಿಂಗ್ ಸಾಗಿದ ನಂತರ ಸಿಗುವ ಪ್ರದೇಶ. ಇದು ಸುಮಾರು 50 ಕಿ.ಮೀ. ದೂರದಲ್ಲಿದೆ.
