Click it and Unblock the Notifications
ದೆಹಲಿ ನಗರದಲ್ಲಿರುವ ಅತ್ಯಂತ ಪುರಾತನ ಟೂಂಬ್ ಅಥವಾ ಸಮಾಧಿ ಇದಾಗಿದೆ. ಸಫ್ದರ್ ಜಂಗ್ ಸಮಾಧಿಯನ್ನು 1753 ರಲ್ಲಿ ಅವಧ್ ಪ್ರದೇಶದ ನವಾಬನಾದ ಶಿಯಾ-ಉದ್-ದೌಲ್ ತನ್ನ ತಂದೆ ಸಫ್ದರ್ ಜಂಗ್ ವಿಧಿವಶರಾದಾಗ ಅವರ ಸ್ಮರಣಾರ್ಥವಾಗಿ ಸಮಾಧಿಯನ್ನು ಇಲ್ಲಿ ನಿರ್ಮಿಸಿದನು. ಈ ಸಮಾಧಿಯು ಬಿಳಿಬಣ್ಣದ ಮಾರ್ಬಲ್ ಕಲ್ಲಿನಿಂದ ನಿರ್ಮಿಸಲಾಗಿದ್ದು, ಮುಘಲ್ ಕಲಾಕೃತಿಯ ಕಡೆಯ ವಾಸ್ತುಶಿಲ್ಪ ಇದಾಗಿದೆ.
ಸುಮಾರು 300 ಚದುರ ಕಿ.ಮೀ.ವಿಸ್ತೀರ್ಣ ಹೊಂದಿರುವ ಈ ಸಮಾಧಿ ಸ್ಥಳದ ಪ್ರವೇಶ ದ್ವಾರವು ಕೆಂಪು ಮರಳಿನ ಹಾಸಿಗೆ ಹೊಂದಿದ್ದು ಅದರ ಸುತ್ತಮುತ್ತಲಿರುವ ಕಲಾಕೃತಿಗಳು ಅತ್ಯಂತ ಆಕರ್ಷಕವಾಗಿದೆ. ಸಮಾಧಿಯ ಮಧ್ಯ ಭಾಗದಲ್ಲಿರುವ ಕಮಾನು, ತನ್ನ ಆಕರ್ಷಕ ಬಣ್ಣಗಳಿಂದ ಎಲ್ಲರನ್ನು ಸೆಳೆಯುತ್ತದೆ. ಒಂಭತ್ತು ಸಣ್ಣ ಸಮಾಧಿಗಳ ನಡುವೆ ಎತ್ತರವಾಗಿ ನಿರ್ಮಿಸಲಾಗಿರುವ ದೊಡ್ಡದಾದ ಈ ಬಿಳಿ ಸಮಾಧಿಯು ಆಕರ್ಷಕವಾಗಿದೆ. ಈ ಎಲ್ಲಾ ಕಲಾಕೃತಿಗಳು ಮುಘಲರ ಸಾಮ್ರಾಜ್ಯದ ಕಡೆಯ ಕಲಾಕೃತಿಗಳಾಗಿವೆ.
ಇದರ ಸುತ್ತಲೂ ಎತ್ತರವಾದ ಗೋಡೆಗಳಿದ್ದು ಒಳಗೆ ಕಾರಂಜಿಗಳು, ಮುಘಲ್ ಉದ್ಯಾನವನ ದೆಹಲಿಗೆ ಬರುವ ಪ್ರವಾಸಿಗರನ್ನು ಮೊದಲು ತನ್ನತ್ತ ಸೆಳೆದುಕೊಳ್ಳುತ್ತದೆ. ಈ ಸಮಾಧಿಗೆ ಸುಮಾರು 16 ಮಂಟಪಗಳಿದ್ದು ಅವುಗಳಲ್ಲಿ ಮೋತಿ ಮಹಲ್, ಜಂಗ್ಲಿ ಮಹಲ್ ಹಾಗೂ ಬಾದಷಾ ಮಹಲ್ ಹೆಸರುವಾಸಿಯಾದವುಗಳು.
ಸಫ್ದರ್ ಜಂಗ್ ಸಮಾಧಿ ಸದಾಕಾಲ ಪ್ರವಾಸಿಗರಿಗೆ ತೆರೆದಿರುತ್ತದೆ. ಸಮಾಧಿಯ ಸುತ್ತಲಿನ ಪ್ರದೇಶವನ್ನೇಲ್ಲಾ ಇದೇ ಹೆಸರಿನಿಂದ ಕರೆಯಲಾಗುತ್ತದೆ.
