ಚುನ್ನಮಲ್ ಹವೇಲಿಯು ಚಾಂದನಿ ಚೌಕ್ನಲ್ಲಿ ಅತ್ಯಂತ ಪ್ರಮುಖ ಆಕರ್ಷಣೆ. ವಿಶಾಲವಾದ ಹೊರಾಂಗಣ, ಬೆಲ್ಜಿಯಂ ಗಾಜುಗಳು ಮತ್ತು ಸೂಕ್ಷ್ಮ ಕೆತ್ತನೆಗಳನ್ನು ಇದು ಹೊಂದಿದೆ.
ದೆಹಲಿ ಚಾಂದನಿ ಚೌಕ್ನಲ್ಲಿರುವ ಈ ಹವೇಲಿಯನ್ನು ಮೂಲರೂಪದಲ್ಲೇ ಸಂರಕ್ಷಿಸಲಾಗಿದೆ. ಚುನ್ನಮಲ್ ಕುಟುಂಬದ ಕುಡಿಯಾದ ಅನಿಲ್ ಪೆರ್ಶಾದ್ ಇದನ್ನು ಈವರೆಗೂ ಕಾದುಕೊಂಡು ಬಂದಿದ್ದಾರೆ. 1857ರಲ್ಲಿ ದೆಹಲಿಯಲ್ಲೇ ಅತ್ಯಂತ ಶ್ರೀಮಂತ ಎಂದು ಗುರುತಿಸಿಕೊಂಡಿದ್ದವರು ಲಾಲಾ ಚುನ್ನಮಲ್. ಆಗ ನಿರ್ಮಿಸಿದ ಈ ಹವೇಲಿ ದೆಹಲಿಯಲ್ಲೇ ಅತ್ಯಂತ ದೊಡ್ಡದು ಎಂದು ಪರಿಗಣಿಸಲ್ಪಟ್ಟಿತ್ತು.
ಈ ಬೃಹತ್ ಮೂರು ಮಳಿಗೆಯ ಕಟ್ಟಡ ಸುಮಾರು ಒಂದು ಎಕರೆ ಪ್ರದೇಶವನ್ನು ವ್ಯಾಪಿಸಿಕೊಂಡಿದೆ. ಇಲ್ಲಿ ಒಟ್ಟು 128 ಕೋಣೆಗಳಿವೆ. ಇಂದಿಗೂ ಚುನ್ನಮಲ್ ಕುಟುಂಬದ ಸದಸ್ಯರು ಇಲ್ಲೇ ವಾಸಿಸುತ್ತಾರೆ. ಈ ಹವೇಲಿಯ ಅಟ್ಟಣಿಗೆಯ ಮೇಲೆ ನಿಂತರೆ ಇಡೀ ಚಾಂದನಿ ಚೌಕ್ ಕಾಣಿಸುತ್ತದೆ. ಹಳೆಯ ದೆಹಲಿ ಪ್ರಾಂತ್ಯದಲ್ಲಿರುವ ಐತಿಹ್ಯಗಳಲ್ಲಿ ಇದೊಂದೇ ಸರಿಯಾಗಿ ನಿರ್ವಹಣೆಗೆ ಒಳಪಟ್ಟಿರುವುದು. ಹವೇಲಿಯ ಡ್ರಾಯಿಂಗ್ ರೂಮಿನಲ್ಲಿರುವ ಶಿಲಾಶಾಸನವು ಹೇಳುವಂತೆ ಈ ಕಟ್ಟದ ನಿರ್ಮಾಣವಾಗಿದ್ದು 1848 ರಲ್ಲಿ, ಹಾಗೆಯೇ ಈ ಹವೇಲಿಯ ಇನ್ನೊಂದು ಭಾಗವನ್ನು 1864 ರಲ್ಲಿ ನಿರ್ಮಿಸಲಾಗಿದೆ.
ಚುನ್ನಮಲ್ ಹವೇಲಿಯ ಸಮೀಪದಲ್ಲಿರುವ ಇತರ ಆಕರ್ಷಣೆಯೆಂರೆ ಹೌಸ್ ಖಾಸ್ ಸ್ಮಾರಕಗಳು, ಮೆಹ್ರೌಲಿ ಆರ್ಕಿಯಲಾಜಿಕಲ್ ಪಾರ್ಕ್ ಮತ್ತು ಸಾಕೇತ ಮಾಲ್ಗಳು.