ಪಳಯಾರೈ ಚೋಳರ ಕಾಲದಲ್ಲಿ ರಾಜಧಾನಿಯಾಗಿತ್ತು. ಈ ಪಟ್ಟಣದಲ್ಲಿ ಚೋಳರ ಕಾಲದ ಹಲವು ದೇವಾಲಯಗಳಿವೆ. ಅವುಗಳಲ್ಲಿ ಪಳಯಾರೈ ಸೋಮೇಶ್ವರ ದೇವಾಲಯ ಅಥವ ಪಳಯಾರೈ ವಡತಲೈ ದೇವಾಲಯವು ಪ್ರಮುಖವಾದುದು. ಇದು ಕುಂಭಕೋಣಂನಿಂದ 6 ಕಿ.ಮೀ ಮತ್ತು ದಾರಾಸುರಂನಿಂದ 3 ಕಿಮೀ ದೂರದಲ್ಲಿದೆ. ಇದೊಂದು ಸಂದರ್ಶಿಸಲೇಬೇಕಾದ ಯಾತ್ರಾಸ್ಥಳ. ಇದು ದಾರಾಸುರಂನ ರೈಲ್ವೇ ನಿಲ್ದಾಣದ ಹತ್ತಿರವಿದೆ. ಪಳಯಾರೈನಲ್ಲಿ ಮೆಟ್ರಲೈ, ಕೇಳ್ತಲೈ, ತೇನತಲೈ ಮತ್ತು ವಡತಲೈ ದೇಗುಲಗಳಿವೆ. ಇವುಗಳಲ್ಲಿ ವಡತಲೈ ಹೆಚ್ಚು ಪ್ರಸಿದ್ಧವಾದದ್ದು. ಇವೆಲ್ಲವೂ ಬಹಳ ಸುಂದರವಾದ ದೇವಾಲಯಗಳು.