ನೋರ್ವುಡ್ ಪರಂಧಾಮವು ನಾನಾ ಹೆಸರಿನಿಂದ ಗುರುತಿಸಲ್ಪಟ್ಟಿದೆ. ಕೈಂತವಾಲಿ ಕೋಠಿ, ತಪೋಭೂಮಿ, ಪರಮಧಾಮ ಹಾಗೂ ರಾಮ ಆಶ್ರಮ ಎಂಬುದು ಇತರೆ ಹೆಸರುಗಳಾಗಿವೆ. ಡಾಲ್ಹೌಸಿ ಪಟ್ಟಣದ ಬಕ್ರೋಟಾ ಬೆಟ್ಟದಲ್ಲಿ ಇದು ನೆಲೆಗೊಂಡಿದೆ. ಪರಮ ಗುರುವು ಈ ಮನೆಯಲ್ಲಿ ನೆಲೆಸಿದ್ದು, ಆತ ನಮ್ಮನ್ನು ರಕ್ಷಿಸುತ್ತಿದ್ದಾನೆ ಎಂದು ಇಲ್ಲಿನ ಜನರ ನಂಬಿಕೆಯಾಗಿದೆ. ಡಾಲ್ಹೌಸಿಯಲ್ಲಿ 1925 ರ ಹೊತ್ತಿಗೆ ಆಗಮಿಸಿದ್ದ ಸ್ವಾಮಿ ಸತ್ಯಾನಂದ ಎಂಬುವರು ಇಲ್ಲಿ ಧ್ಯಾನ ಹೇಳಿಕೊಟ್ಟರು. ಕೆಲ ತಿಂಗಳುಗಳ ಕಾಲ ಇದು ನಡೆಯುತ್ತಿತ್ತು. ಇಲ್ಲಿದ್ದ ಸಂದರ್ಭದಲ್ಲಿ ಇವರು ಸಾಕಷ್ಟು ಪುಸ್ತಕಗಳನ್ನು ಕೂಡ ಬರೆದಿದ್ದರು.
ಸ್ವಾಮಿ ಸತ್ಯಾನಂದ 1960 ರಲ್ಲಿ ಇಲ್ಲಿಯೇ ಕಾಲವಾದರು. ಇದರಿಂದ ಈ ಸ್ಥಳವನ್ನು ಪರಮ ಧಾಮ ಎಂದು ಕರೆಯಲಾಗುತ್ತದೆ. ಇಂದು ಈ ಮನೆಯನ್ನು ಭಗತ್ ಹನ್ಸ್ರಾಜ್ ಜಿ ನೋಡಿಕೊಳ್ಳುತ್ತಿದ್ದಾರೆ. ಇವರು ಕೂಡ ಸ್ವಾಮಿ ಸತ್ಯಾನಂದರ ಮಾರ್ಗದಲ್ಲಿಯೇ ಸಾಗಿದ್ದಾರೆ. ಇವರು ಇಲ್ಲಿ ನಿತ್ಯ ಸತ್ಸಂಗ, ವಾರ್ಷಿಕ ಕಿರು ಸಭೆಗಳನ್ನು ಆಯೋಜಿಸುತ್ತಾರೆ. ಈ ಸಂದರ್ಭದಲ್ಲಿ ಹೇರಳ ಸಂಖ್ಯೆಯಲ್ಲಿ ಭಕ್ತರು ಭಾಗವಹಿಸುತ್ತಾರೆ. ಈ ಮನೆಯಲ್ಲಿ ಏಕಕಾಲಕ್ಕೆ 250 ಮಂದಿ ಕೂರುವ ಸ್ಥಳಾವಕಾಶವಿದೆ. ಡಾಲ್ಹೌಸಿಯ ಗಾಂಧಿ ಚೌಕ್ನಿಂದ ಇಲ್ಲಿಗೆ ಕೇವಲ ಐದು ಕಿ.ಮೀ. ಅಂತರ ಇದೆ ಅಷ್ಟೆ.