Click it and Unblock the Notifications
ಕಾಲಾತೋಪ್ ವನ್ಯಜೀವಿ ಧಾಮವು ಕಾಲಾತೋಪ್ ಖಜ್ಜೀಯಾರ್ ಧಾಮ ಅಂತಲೂ ಹೆಸರಾಗಿದೆ. ಡಾಲ್ಹೌಸಿಯಿಂದ 6 ಕಿ.ಮೀ. ದೂರದಲ್ಲಿದೆ. ಹಿಮಾಚಲ ಪ್ರದೇಶದ ಚಂಬಾ ಜಿಲ್ಲೆಯ ವ್ಯಾಪ್ತಿಗೆ ಇದು ಬರುತ್ತದೆ. 1962 ಹೆಕ್ಟೇರ್ ವಿಸ್ತಾರವಾದ ಪ್ರದೇಶದಲ್ಲಿ ಈ ಧಾಮವು ಹರಡಿಕೊಂಡಿದೆ. ಈ ಪ್ರದೇಶವು ದಟ್ಟವಾದ ದೇವದಾರು ಮರಗಳಿಂದ ಆವೃತ್ತವಾಗಿದೆ. ಇಲ್ಲಿರುವ ಪ್ರಮುಖ ಮರಗಳಲ್ಲಿ ದೇವದಾರು, ನೀಲಿ ಪೈನ್ ಹಾಗೂ ಪಿರ್ ಮರಗಳು ಪ್ರಮುಖವಾಗಿವೆ. ಪ್ರಾಣಿ, ಪಕ್ಷಿ ಸೇರಿದಂತೆ ಹಲವು ವಿಧದ ಜೀವಿಗಳು ವಾಸವಾಗಿವೆ. ಈ ಮೂಲಕ ರಾಜ್ಯದಲ್ಲಿಯೇ ಅತ್ಯಂತ ಪ್ರಸಿದ್ಧ ವನ್ಯಜೀವಿ ಧಾಮ ಎಂಬ ಹೆಗ್ಗಳಿಕೆಯನ್ನು ತಾಣ ಹೊಂದಿದೆ. ಇಲ್ಲಿ ತರಹೇವಾರಿ ಚಿರತೆಗಳು, ಕರಡಿ, ಜಿಂಕೆ, ಕಡವೆ, ಲಂಗೂರ್, ಅಳಿಲು, ನರಿ, ತೋಳ, ಹಿಮಾಲಯನ್ ಬ್ಲ್ಯಾಕ್ ಮಾರ್ಟಿನ್ ಇತ್ಯಾದಿ ಜೀವಿಗಳಿವೆ. ಈ ತಾಣವು ಸಾಕಷ್ಟು ವಿಧದ ಪಕ್ಷಿಗಳಿಗೂ ಜನಪ್ರಿಯವಾಗಿದೆ.
ಇಲ್ಲೊಂದು ಸುಂದರ ತೊರೆ ಹರಿದು ಹೋಗಿದೆ. ಇದು ಮುಂದೆ ಸಾಗಿ ರಾವಿ ನದಿಯನ್ನು ಸೇರುತ್ತದೆ. ಪ್ರವಾಸಿಗರನ್ನು ಕನಿಷ್ಠ ಮೂರರಿಂದ ಆರು ಗಂಟೆಕಾಲ ಹಿಡಿದಿಟ್ಟುಕೊಳ್ಳುವ ಶಕ್ತಿ ತಾಣಕ್ಕಿದೆ. ಈ ತಾಣಕ್ಕೆ ಬರಲು ವಿಶೇಷ ಪರವಾನಗಿಯನ್ನು ಪಡೆಯಬೇಕು. ಚಂಬಾ ಜಿಲ್ಲೆಯ ಅರಣ್ಯಾಧಿಕಾರಿಗಳ ಪರವಾನಗಿ ಇರದಿದ್ದರೆ ಧಾಮದ ಒಳಗೆ ಪ್ರವೇಶ ಸಿಗದು. ಮಾರ್ಚ್ ನಿಂದ ಮೇ ಹಾಗೂ ಸೆಪ್ಟೆಂಬರ್ನಿಂದ ನವೆಂಬರ್ ನಡುವೆ ಇಲ್ಲಿಗೆ ಭೇಟಿ ನೀಡುವುದು ಪ್ರಶಸ್ತ.
