Click it and Unblock the Notifications
ತಿರುನಲ್ಲೂರ್ ಪೆರುಮಾನಮ್ ದೇವಾಲಯವು ಅಚಲಪುರಂ ಹಳ್ಳಿಯಲ್ಲಿ ನೆಲೆಗೊಂಡಿದೆ. ಇದು ಚಿದಂಬರಂನಿಂದ 25 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಈಶ್ವರನು ಇಲ್ಲಿನ ಮುಖ್ಯ ದೇವರಾಗಿ ಪೂಜಿಸಲ್ಪಡುತ್ತಿದ್ದಾನೆ. ಇದರ ವಿಶೇಷತೆಯೆಂದರೆ ಇಲ್ಲಿನ ಮುಖ್ಯದೇವರಾದ ಶಿವನನ್ನು ಲಿಂಗದ ರೂಪದಲ್ಲಿ ಪೂಜಿಸಲಾಗುತ್ತಿದೆ. ಆ ಲಿಂಗದ ಸುತ್ತ ಒಂದು ಹಾವು ಸುರುಳಿ ಸುತ್ತಿಕೊಂಡಿದೆ. ಈ ಹಾವನ್ನು ಚಿನ್ನದಿಂದ ತಯಾರಿಸಲಾಗಿದೆ. ಈ ಹಾವು ಲಿಂಗಕ್ಕೆ ರಕ್ಷಣೆ ನೀಡುವ ಭಂಗಿಯಲ್ಲಿ ನಿಂತಿದೆ.
ಇಲ್ಲಿನ ಶಿವನನ್ನು ಶ್ರೀ ಶಿವಲೋಕತ್ಯಾಗೇಶ್ವರ್ ಎಂಬ ರೂಪದಲ್ಲಿ ಪೂಜಿಸಲಾಗುತ್ತದೆ. ಇಲ್ಲಿ ಶಿವನನ್ನು ಸದಾ ಪಾರ್ವತಿಯ ಜೊತೆಗೆ ಪೂಜಿಸಲಾಗುತ್ತದೆ. ಆಕೆಯನ್ನು ಇಲ್ಲಿ ತಿರುವೇಣಿಟ್ರುಮೈ ಅಮ್ಮೈ ಎಂದು ಪೂಜಿಸಲಾಗುತ್ತದೆ. ಈ ದೇವಾಲಯದ ವಾಸ್ತು ಶಿಲ್ಪವು ತಮಿಳು ದೇವಾಲಯ ವಾಸ್ತುಶಿಲ್ಪಗಳ ಸುವರ್ಣ ಯುಗವೆಂದು ಕರೆಯಲ್ಪಡುವ ಕಾಲದ ವಾಸ್ತುಶಿಲ್ಪವನ್ನು ಹೊಂದಿದೆ. ಚಿದಂಬರಂನಲ್ಲಿರುವ ಪ್ರತಿಯೊಂದು ದೇವಾಲಯವು ಒಂದೇ ಬಗೆಯ ಸಾಮ್ಯತೆಯನ್ನು ಹೊಂದಿವೆ. ಆದರೆ ಈ ದೇವಾಲಯವು ಮಾತ್ರ ಆ ಪಂಗಡಕ್ಕೆ ಸೇರಿಲ್ಲ. ಈ ದೇವಾಲಯವು ಚಿದಂಬರಂನಿಂದ 8 ಕಿ.ಮೀ ದೂರದಲ್ಲಿ, ಸೀರ್ಕಾಳಿ ಮಾರ್ಗದಲ್ಲಿ ನೆಲೆಗೊಂಡಿದೆ.
