ಮುರ್ಲೆನ್ ರಾಷ್ಟ್ರೀಯ ಉದ್ಯಾನ, ಮಿಜೋರಾಂ ನ ಅತ್ಯಂತ ಜನಪ್ರಿಯ ರಾಷ್ಟ್ರೀಯ ಉದ್ಯಾನಗಳಲ್ಲಿ ಒಂದಾಗಿದೆ. ಇದು 200 ಚದರ ಕಿಲೋಮೀಟರ್ ನಷ್ಟು ವಿಸ್ತೀರ್ಣವನ್ನು ಹೊಂದಿದೆ ಮತ್ತು ಇಂಡೋ-ಮಯನ್ಮಾರ್ ಗಡಿಗೆ ಬಹಳ ಹತ್ತಿರದಲ್ಲಿ ನೆಲೆಸಿದೆ.
ಮುರ್ಲೆನ್ ಉದ್ಯಾನ ಬಂಡೆಗಳು ತುಂಬಿದ ಮತ್ತು ಅಳಿವಿನಂಚಿನಲ್ಲಿರುವ ವಿವಿಧ ಜಾತಿಗಳ ಪಕ್ಷಿಗಳು ಮತ್ತು ಇತರೆ ಕಾಡುಪ್ರಾಣಿಗಳ ನೆಲೆಯಾಗಿದೆ. ಥುಮ್ ಕುಯಿ ಖಾಮ್, ಎಂಬ ದೊಡ್ಡ ಗುಹೆಯೊಂದನ್ನು ಈ ಉದ್ಯಾನದ ಪರಿಧಿಯ ಒಳಗೆ ಕಾಣಬಹುದು. ಇಲ್ಲಿರುವ ಖಮ್ಪುಯಿ ಹೆಸರಿನ ಒಂದು ದೊಡ್ಡ ಕಡಿದಾದ ಬಂಡೆಗಲ್ಲು ಭಾರತದಲ್ಲಿ ಕಂಡುಬರುವ ಮಹತ್ತರ ಕಡಿದಾದ ಬಂಡೆಗಲ್ಲುಗಳಲ್ಲೊಂದಾಗಿದೆ. ಹಲವಾರು ನದಿಗಳು, ಕಾಲುವೆಗಳು ಮತ್ತು ತೊರೆಗಳು ಈ ಉದ್ಯಾನದ ಮೂಲಕ ಹರಿದು ತನ್ನ ಅಸ್ತಿತ್ವದಲ್ಲಿರುವ ವನ್ಯಜೀವಿಗಳಿಗೆ ಹೇರಳವಾಗಿ ನೀರನ್ನು ಒದಗಿಸುತ್ತದೆ.
ಮುರ್ಲೆನ್ ಉದ್ಯಾನವನ್ನು ಸುತ್ತುವರೆದಿರುವ ಅರಣ್ಯವು ದಟ್ಟವಾಗಿರುವ ಕಾರಣದಿಂದ ಇದನ್ನು ಅಮೆಝಾನ್ ಕಾಡಿಗೆ ಹೋಲಿಸಲಾಗುತ್ತದೆ. ಈ ಅರಣ್ಯದಲ್ಲಿ ಕೇವಲ 1% ಸೂರ್ಯನ ಕಿರಣ ಮಾತ್ರ ತೂರಿಕೊಳ್ಳಲು ಸಾಧ್ಯ. ಈ ಕಾರಣಕ್ಕಾಗಿ ಈ ಸ್ಥಳವನ್ನು ’ಯಾವುದೇ ಪ್ರತಿಫಲವಿಲ್ಲದ ಭೂಮಿ’ ಅಥವಾ 'ಏಳು ಸಹ ಪುರುಷರು ಸೋತ ಪ್ರದೇಶ' ಎಂದು ಕರೆಯುತ್ತಾರೆ.
15 ಪ್ರಾಣಿ ಪ್ರಭೇದಗಳು, 150 ಪಕ್ಷಿ ಜಾತಿಗಳು, ಈಉದ್ಯಾನದಲ್ಲಿ ಕಾಣಬಹುದು. 35 ವಿವಿಧ ಭಗೆಯ ಔಷಧೀಯ ಸಸ್ಯಗಳು ಮತ್ತು 4 ಬಗೆಯ ಆರ್ಕಿಡ್ ಸಸ್ಯಗಳನ್ನು ಕಾಣಬಹುದು. ಐಜ಼ಾಲ್ (245 ಕಿಲೋಮೀಟರ್) ನಿಂದ ಪ್ರವಾಸಿ ವಾಹನದ ಮೂಲಕ ಮುರ್ಲಿನ್ ಉದ್ಯಾನವನ್ನು ತಲುಪಬಹುದು.