Click it and Unblock the Notifications
ಗಾಂಧಿ ಪಾರ್ಕನ್ನು ನಮ್ಮ ರಾಷ್ಟ್ರ ಪಿತ ಮಹಾತ್ಮ ಗಾಂಧಿಯವರ ನೆನಪಿಗಾಗಿ ನಿರ್ಮಿಸಲಾಗಿದೆ. ಈ ಪಾರ್ಕನ್ನು ಭುಬನೇಶ್ವರ್ ಅಭಿವೃದ್ಧಿ ಪ್ರಾಧಿಕಾರದವರು ಅಭಿವೃದ್ಧಿಪಡಿಸಿದ್ದಾರೆ. ಇದು ಸ್ವೊಸ್ತಿ ಪ್ಲಾಜಾ ಹೋಟೆಲ್ ಮುಂದೆ ನೆಲೆಗೊಂಡಿದೆ. ಈ ಉದ್ಯಾನವನವು ತನ್ನಲ್ಲಿರುವ ಹುಲ್ಲು ಹಾಸುಗಳಿಂದಾಗಿ ಮತ್ತು ಆಕರ್ಷಕವಾಗಿರುವ ಗಿಡ ಮರಗಳಿಂದಾಗಿ ಖ್ಯಾತಿ ಪಡೆದಿದೆ. ಈ ಉದ್ಯಾನವನದಲ್ಲಿ ಪ್ರಾರ್ಥನೆ ಮಾಡುವ ಭಂಗಿಯಲ್ಲಿರುವ ಮಹಾತ್ಮ ಗಾಂಧಿ ವಿಗ್ರಹವನ್ನು ನಾವು ನೋಡಬಹುದು.
ಈ ಉದ್ಯಾನವನವು ವ್ಯಾಯಾಮ, ವಾಯು ವಿಹಾರ, ಪರಿಸರ ವೀಕ್ಷಣೆ, ಮುಂತಾದವುಗಳಿಗೆ ಹೇಳಿ ಮಾಡಿಸಿದ ವಾತಾವರಣವನ್ನು ಹೊಂದಿದೆ. ಇಲ್ಲಿ ನಿಮ್ಮ ಶ್ವಾಸಕೋಶಗಳಿಗೆ ಹೊಸ ಹುರುಪು ತುಂಬುವ ಗಾಳಿಯನ್ನು ಸೇವಿಸಬಹುದು. ಹಿಂದೆ ಜನತಾ ಮೈದಾನ್ ಎಂದು ಕರೆಯಲ್ಪಡುತ್ತಿದ್ದ ಸ್ಥಳದಲ್ಲಿ ಈ ಪಾರ್ಕ್ ತಲೆ ಎತ್ತಿದೆ. ಇಲ್ಲಿ ಜಾಗಿಂಗ್ ಟ್ರ್ಯಾಕ್, ನೀರಿನ ಕಾರಂಜಿಗಳು ಮತ್ತು ದೀಪದ ಕಂಬಗಳು ಹೀಗೆ ಇಲ್ಲಿನ ಸಕಲ ಅಂಶಗಳಲ್ಲಿ ಸೌಂದರ್ಯವು ತುಂಬಿ ತುಳುಕುತ್ತಿರುವುದನ್ನು ನಾವು ಗಮನಿಸಬಹುದು.
