Click it and Unblock the Notifications
ಅಮರಾವತಿ ಪಟ್ಟಣದಲ್ಲಿರುವ ಪ್ರಾಚ್ಯವಸ್ತು ಸಂಗ್ರಹಾಲಯ ಕೃಷ್ಣ ನದಿಯ ಬಲ ದಂಡೆಯ ಮೇಲಿದೆ. ಅಮರಾವತಿಯ ಸಂಸ್ಕೃತಿ, ಆಚಾರ, ವಿಚಾರ, ಸಂಪ್ರದಾಯ ಇತಿಹಾಸಗಳನ್ನು ಹೊರಗಿನಿಂದ ಬಂದವರು ಅರಿತುಕೊಳ್ಳಲು ಈ ಸಂಗ್ರಹಾಲಯ ಉಪಯೋಗಕಾರಿ. ಭಾರತೀಯ ಕಲೆಯನ್ನು ಹಿಡಿದಿಟ್ಟಿರುವ ಸಂಗ್ರಹಾಲಯ ಕರಕುಶಲ ಕಲೆಗಳ ಐತಿಹಾಸಿಕ ತುಣುಕುಗಳ ಮೂಲಕ ಅಮರಾವತಿಯ ಭವ್ಯ ಸಂಪತ್ತನ್ನು ಪ್ರದರ್ಶಿಸುತ್ತದೆ. ಇಲ್ಲಿ ಪ್ರದರ್ಶನಕ್ಕಿಟ್ಟಿರುವ ಬೌದ್ಧ ಕಲಾಕೃತಿಗಳು ಮೂರನೆ ಶತಮಾನಕ್ಕಿಂತಲೂ ಹಳೆಯವು. ಇಲ್ಲಿರುವ ಕಮಲ ಮತ್ತು ಪೂರ್ಣಕುಂಭಗಳು ಅಮರಾವತಿಯ ಸಾಂಪ್ರದಾಯಿಕ ಹೆಗ್ಗುರುತುಗಳು. ಇವು ಅಮರಾವತಿ ಜನರ ಒಳ್ಳೆಯ ಕಾಲ ಮತ್ತು ಸಂಪತ್ತಿನ ಪ್ರತೀಕವೂ ಹೌದು. ಇತಿಹಾಸದ ತುಣುಕುಗಳು ಅಮರಾವತಿಗೆ ಸಮಾನಾಂತರ ಪುರಾವೆ ನೀಡುತ್ತವೆ. ಇತಿಹಾಸದ ಪುಸ್ತಕಗಳಿಂದ ದೊರೆಯದ ಅದೆಷ್ಟೋ ವಿಷಯಗಳನ್ನು ಈ ಸಂಗ್ರಹಾಲಯದಲ್ಲಿ ಪಡೆಯಬಹುದು.
