ಅಲ್ಚಿ ಬೌದ್ಧ ಮಠ ಸಂಕೀರ್ಣದ ಮಧ್ಯಭಾಗದಲ್ಲಿ ಕಂಡುಬರುವ ದೇವಾಲಯ ಡು-ಖಾಂಗ್. ಈ ಮಠ ಸಂಕೀರ್ಣದಲ್ಲೆ ಇದೊಂದು ಪುರಾತನ ಹಾಗು ದೊಡ್ಡದಾದ ದೇವಾಲಯವಾಗಿದ್ದು, ಇದರಲ್ಲೆ ಬೌದ್ಧ ಸನ್ಯಾಸಿಗಳು ಹಲವು ಆಚರಣೆಗಳನ್ನು ಕೈಗೊಳ್ಳುತ್ತಾರೆ. 12 ಹಾಗು 13 ನೇ ಶತಮಾನದಲ್ಲಿ ಈ ದೇವಾಲಯವನ್ನು ಇತರೆ ರಚನೆಗಳೊಂದಿಗೆ ವಿಸ್ತರಿಸಲಾಯಿತು.
ಏನಿಲ್ಲವೆಂದರೂ ಬುದ್ಧನ ಸುಮಾರು 1000 ಹಸಿಚಿತ್ರಗಳನ್ನು ಈ ದೇವಾಲಯದ ಇಕ್ಕೆಲಗಳಲ್ಲಿ ರಚಿಸಲಾಗಿದೆ. ಈ ದೇವಾಲಯದ ಹೊರದ್ವಾರದಲ್ಲಿ, ಹಿಂದು ಧರ್ಮದ ವಿನಾಶನದ ಪ್ರತೀಕವಾದ ಮಹಾಕಾಲ್, ಶಿವ ಮತ್ತು ಭಾವಚಕ್ರ ಅಥವಾ ಜೀವನಚಕ್ರ (ಸಂಸಾರದ ನಿರಂತರ ಪಯಣ)ದ ಆಕೃತಿಗಳನ್ನು ಕಾಣಬಹುದು.
ದೇವಾಲಯದ ಗೋಡೆಗಳು ಪಂಚ ತತ್ಘಟಗಳನ್ನು ಪ್ರತಿಫಲಿಸುತ್ತದೆ. ವೈರೋಚನ (ಸೆಲೆಸ್ಟಿಯಲ್ ಬುದ್ಧ/ಆಕಾಶ ಬುದ್ಧ) ಈ ದೇವಾಲಯದ ಪ್ರಮುಖ ದೇವತೆ. ಈ ವಿಗ್ರಹದ ಸುತ್ತಲೂ ಪಂಚ ತತ್ಘಟಗಳನ್ನು ಆರು ಮಂಡಲ(ಬೌದ್ಧ ಪವಿತ್ರ ಕಲೆ)ಗಳ ಜೊತೆ ಚಿತ್ರಿಸಲಾಗಿದೆ. ಈ ಮಂಡಲಗಳನ್ನು ಹಲವು ಬುದ್ಧ, ಧರ್ಮಗಳ ರಕ್ಷಕ, ಬೋಧಿಸತ್ವ ಮತ್ತು ಇತರೆ ದೇವತೆಗಳ ಸುತ್ತಲೂ ಕಾಣಬಹುದು.