Click it and Unblock the Notifications
ಕುಂಚಿಕಲ್ ಜಲಪಾತವು ಶಿವಮೊಗ್ಗ ಜಿಲ್ಲೆಯ ಆಗುಂಬೆಯಲ್ಲಿದೆ. ಇದು ದೇಶದ ಎತ್ತರದ ಮತ್ತು ಅತಿ ಹೆಚ್ಚು ಕವಲುಗಳು ಹೊಂದಿರುವ ಜಲಪಾತಗಳಲ್ಲೊಂದಾಗಿದೆ. ಇದು 1493 ಅಡಿಯಷ್ಟು ಎತ್ತರದಿಂದ ಧುಮುಕುತ್ತದೆ. ಈ ಜಲಪಾತವು ವಾರಾಹಿ ನದಿಯಿಂದ ಉಂಟಾಗುತ್ತದೆ. ಇದು ಕರ್ನಾಟಕದ ಜಲವಿದ್ಯುತ್ ಯೋಜನೆಗಳಲ್ಲಿ ಒಂದಾಗಿ ಮಹತ್ತರ ಸ್ಥಾನ ಪಡೆದಿದೆ. ವಾರಾಹಿ ನದಿಯ ಉಪನದಿಗಳು ಮಳೆಗಾಲದಲ್ಲಿ ಹಲವಾರು ತಾತ್ಕಾಲಿಕ ಜಲಪಾತಗಳನ್ನು ಸಮೀಪದ ಕಾಡಿನಲ್ಲಿ ಸೃಷ್ಟಿಸುತ್ತವೆ. ಹಲವಾರು ಸಣ್ಣ ಜಲಪಾತಗಳ ಮಧ್ಯೆ ಗಂಭೀರವಾಗಿ ಧುಮ್ಮಿಕ್ಕುವ ಕುಂಚಿಕಲ್ ಜಲಪಾತದ ಭವ್ಯತೆಯನ್ನು ನೋಡಿಯೇ ಅನುಭವಿಸಬೇಕು. ಈ ಜಲಪಾತದ ಸ್ವಾಭಾವಿಕ ಸೌಂದರ್ಯವೇ ಪ್ರವಾಸಿಗರನ್ನು ಈ ಪ್ರಾಂತ್ಯಕ್ಕೆ ಪ್ರಮುಖವಾಗಿ ಆಕರ್ಷಿಸುತ್ತಿದೆ.
