Click it and Unblock the Notifications
ಜೋಗಿಗುಂಡಿ ಭಾರತದ ಅತಿ ಎತ್ತರದಿಂದ ಧುಮ್ಮಿಕ್ಕುವ ಜಲಪಾತವೆಂದು ಹೆಸರಾಗಿದ್ದು, 829ಅಡಿ ಉದ್ದವಿದೆ.ಇದರ ಇತಿಹಾಸ 1800 ರಷ್ಟು ಹಿಂದಕ್ಕೆ ಕರೆದೊಯ್ಯುತ್ತದೆ. ಈ ಜಲಪಾತವು ನಾಲ್ಕು ಕವಲುಗಳಾಗಿ ಭಾಗವಾಗುತ್ತದೆ.ಇವುಗಳಿಗೆ ಕ್ರಮವಾಗಿ ರಾಜ, ರಾಣಿ, ರಾಕೆಟ್ ಮತ್ತು ರೋರರ್ ಎಂಬ ಹೆಸರುಗಳಿವೆ. ಇದು ಆಗುಂಬೆಗೆ ಭೇಟಿಕೊಡುವ ಪ್ರತಿಯೊಬ್ಬರು ನೋಡಲೇ ಬೇಕಾದ ಸ್ಥಳವಾಗಿದೆ. ಮಳೆಗಾಲದಲ್ಲಿ ಈ ಜಲಪಾತಕ್ಕೆ ಭೇಟಿ ಕೊಡಲು ಸೂಕ್ತ ಸಮಯ.ಜೋಗಿ ಗುಂಡಿಯು ಆಗುಂಬೆಯಿಂದ ಸುಮಾರು 3 ಕಿ.ಮೀ ದೂರದಲ್ಲಿದೆ. ಮುಕ್ಕಾಲು ದೂರದವರೆಗೆ ನೀವು ವಾಹನದಲ್ಲಿ ತಲುಪಿ ಉಳಿದ ದೂರವನ್ನು ಕಾಲ್ನಡಿಗೆಯಿಂದ ಕ್ರಮಿಸಬೇಕು. ಸ್ಥಳೀಯ ನಂಬಿಕೆಗಳ ಪ್ರಕಾರ ಜೋಗಿಯೊಬ್ಬನು ಇಲ್ಲಿನ ಜಲಪಾತದ ಸಮೀಪದ ಗುಹೆಯೊಂದರಲ್ಲಿ ಧ್ಯಾನ ಮಾಡುತ್ತಿದ್ದರಿಂದ ಈ ಜಲಪಾತಕ್ಕೆ ಜೋಗಿಗುಂಡಿ ಜಲಪಾತ ಎಂಬ ಹೆಸರು ಬಂದಿತಂತೆ.ಈ ಜಲಪಾತವು ಮಲಪ್ರಹರಿ ನದಿ ಸೇರುವ ಒಂದು ಕೊಳದಿಂದ ಪ್ರಾರಂಭವಾಗುತ್ತದೆ.ನಂತರ ಈ ಕೊಳವು ಕಣಿವೆ ದಾಟುವಾಗ ತುಂಗಾ ನದಿಯೊಂದಿಗೆ ಸೇರುತ್ತದೆ. ವರ್ಷಗಳ ಕಾಲದಿಂದ ನದಿ ನೀರು ಹರಿದು ಆದ ಕೊರೆತದಿಂದ 50 ಅಡಿಗಳಷ್ಟು ಆಳವಾದ ಗುಹೆಯೊಂದು ನಿರ್ಮಾಣವಾಗಿದೆ. ಪ್ರಸ್ತುತ ಜೋಗಿಗುಂಡಿ ಜಲಪಾತವು ಗುಹೆ ಮೂಲಕ ಹರಿಯುತ್ತದೆ.
