ರಾಮ್ಗಂಗಾ ನದಿಯು ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನವನದಲ್ಲಿ ಸರ್ವ ಕಾಲದಲ್ಲಿಯು ಹರಿಯುವ ನದಿಯಾಗಿದೆ. ಇದೊಂದು ಮಳೆಯಾಧಾರಿತ ನದಿಯಾಗಿದ್ದು, ಈ ರಾಷ್ಟ್ರೀಯ ಉದ್ಯಾನವನವನ್ನು ಪ್ರವೇಶಿಸುವ ಮುನ್ನ ಸುಮಾರು 100 ಕಿ.ಮೀ ಗಳಷ್ಟು ದೂರವನ್ನು ಕ್ರಮಿಸುತ್ತದೆ. ಈ ಉದ್ಯಾನವನವನ್ನು ಪ್ರವೇಶಿಸಿದ ನಂತರ ಈ ನದಿಯು ಕಾಲಾಘಡ್ವರೆಗು ಸುಮಾರು 40 ಕಿ.ಮೀ ಕ್ರಮಿಸುತ್ತದೆ.
ಈ ನದಿಗೆ ಹಲವಾರು ಉಪನದಿಗಳು ಬಂದು ಸೇರುತ್ತವೆ. ಪಲೈನ್, ಮಂಡಲ್ ಮತ್ತು ಸೋನಾನದಿಗಳು ಇದರ ಉಪನದಿಗಳಾಗಿವೆ. ಮಹಷೀರ್ ಮೀನು, ಘರಿಯಲ್, ಮುಗ್ಗೆರ್ ಮೊಸಳೆಗಳು, ಆಟ್ಟರ್ಸ್ ಮತ್ತು ಆಮೆಗಳು ಈ ನದಿಯಲ್ಲಿ ಕಾಣ ಸಿಗುತ್ತವೆ. ಇದರೊಂದಿಗೆ ಮಧ್ಯ ಏಶಿಯಾದಿಂದ ಮತ್ತು ಯೂರೋಪ್ನಿಂದ ಹಲವಾರು ಜಲಾವಲಂಬಿ ವಲಸೆ ಹಕ್ಕಿಗಳನ್ನು ಈ ನದಿಯು ಆಕರ್ಷಿಸುತ್ತದೆ. ಮಿಂಚುಳ್ಳಿ, ಹೆರ್ಜಾಲೆ, ಕೊಕ್ಕರೆ, ಬಕ ಪಕ್ಷಿಗಳಂತಹ ಪಕ್ಷಿಗಳನ್ನು ನಾವು ಇಲ್ಲಿ ಕಾಣಬಹುದು.