ಸೊಟ್ಸ್ ಎಂಬುವು ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನವನದಲ್ಲಿ ಹರಿಯುವ ತಾತ್ಕಾಲಿಕ ಝರಿಗಳಾಗಿವೆ. ಇವು ಕೇವಲ ಕೆಲವು ಋತುಗಳಲ್ಲಿ ಮಾತ್ರ ಹರಿಯುತ್ತವೆ. ಅಲ್ಲದೆ ಇವು ಇಲ್ಲಿನ ಪ್ರಾಣಿಗಳಿಗೆ ಕುಡಿಯುವ ನೀರಿನ ಆಕರಗಳಾಗಿಯೂ ಸಹ ಸೇವೆ ಸಲ್ಲಿಸುತ್ತವೆ. ಈ ಝರಿಗಳು ಈ ರಾಷ್ಟ್ರೀಯ ಉದ್ಯಾನವನದ ಜೈವಿಕ ಪರಿಸರದ ಮೇಲೆ ಭಾರಿ ಪ್ರಭಾವವನ್ನು ಬೀರುತ್ತವೆ. ಇದರ ಜೊತೆಗೆ ಈ ಋತು ಆಧಾರಿತ ಸೊಟ್ಸ್ ಗಳ ಜೊತೆಗೆ ಇಲ್ಲಿ ಕೆಲವೊಂದು ಸರ್ವಕಾಲಿಕ ಝರಿಗಳು ಹರಿಯುತ್ತವೆ. ಅವುಗಳಲ್ಲಿ ಪಟೆರ್ ಪಾನಿ, ಲಾಲ್ಧಂಗ್, ಕೊಥಿರವ್, ಝಿರ್ನ, ಧಾರ ಮತ್ತು ಗರಿಜಗಳು ಸೇರಿವೆ.
ಹಲವಾರು ಝರಿಗಳು ಹಚ್ಚ ಹಸಿರಿನ ಪೊದೆಗಳಿಂದ ಮತ್ತು ಬಿದಿರಿನ ಕಾಡುಗಳಿಂದ ಆವೃತವಾಗಿರುತ್ತವೆ. ಈ ಕಾಡುಗಳಲ್ಲಿ ಹುಲಿಗಳು ಆಶ್ರಯವನ್ನು ಪಡೆಯುತ್ತವೆ. ಮಳೆಗಾಲದ ಸಮಯದಲ್ಲಿ ಮಳೆಯಿಂದಾಗಿ ಸೊಟ್ಸ್ ಗಳ ನೀರಿನ ಪ್ರಮಾಣವು ಗಣನೀಯವಾಗಿ ಏರಿಕೆಯಾಗುತ್ತದೆ. ಈ ನೀರು ಕಾಡಿನ ರಸ್ತೆಗಳನ್ನು ಮತ್ತು ಸೇತುವೆಗಳನ್ನು ಮುಚ್ಚಿ ಹಾಕುತ್ತದೆ. ಹಾಗಾಗಿ ಮಳೆಗಾಲದಲ್ಲಿ ಈ ರಾಷ್ಟ್ರೀಯ ಉದ್ಯಾನವನವನ್ನು ಮುಚ್ಚಲಾಗುತ್ತದೆ.