Click it and Unblock the Notifications
ಹಪೋಲಿ ನಗರದಿಂದ 4 ಕಿ.ಮೀ. ದೂರದಲ್ಲಿರುವ ಕರ್ಡೊ ಅರಣ್ಯದಲ್ಲಿರುವ ಸಿದ್ಧೇಶ್ವರನಾಥ ಮಂದಿರದಲ್ಲಿ 25 ಅಡಿ ಎತ್ತರದ 22 ಅಡಿ ಅಗಲದ ಶಿವಲಿಂಗವಿದೆ. ಹಿಂದೂಗಳು ಶಿವನನ್ನು ಪೂಜಿಸುವಂತಹ ಶ್ರಾವಣ ತಿಂಗಳಲ್ಲಿ ಈ ಬೃಹತ್ ಶಿವಲಿಂಗವನ್ನು ಪತ್ತೆಹಚ್ಚಲಾಗಿತ್ತು. ಜುಲೈ 2004ರಲ್ಲಿ ಇದು ಪತ್ತೆಯಾಗಿತ್ತು. ಮೂಲಗಳ ಪ್ರಕಾರ ನೇಪಾಳದವನೊಬ್ಬ ಇಲ್ಲಿ ಮರವೊಂದನ್ನು ಕಡಿಯುತ್ತಿದ್ದಾಗ ಈ ಲಿಂಗವು ಪತ್ತೆಯಾಗಿತ್ತು.
ವರ್ಷವಿಡೀ ಇಲ್ಲಿಗೆ ಭೇಟಿ ನೀಡುವ ಬೃಹತ್ ಸಂಖ್ಯೆಯ ಭಕ್ತಾದಿಗಳು ಪ್ರಾರ್ಥನೆ ಸಲ್ಲಿಸುತ್ತಾರೆ. ಸ್ಥಳೀಯರಿಗೆ ಶಿವಲಿಂಗದ ಬಗ್ಗೆ ಭಾರೀ ನಂಬಿಕೆಯಿದ್ದು, ಪ್ರತೀದಿನ ಪೂಜೆ ಸಲ್ಲಿಸುತ್ತಾರೆ. ಇದನ್ನು ವೀಕ್ಷಿಸಲು ಬಹಳಷ್ಟು ಸಂಖ್ಯೆಯಲ್ಲಿ ಪ್ರವಾಸಿಗಳು ಇಲ್ಲಿಗೆ ಆಗಮಿಸುತ್ತಾರೆ.
