ಭದ್ರಕಾಳಿ ದೇವಾಲಯ ಭಾರತದ ಅತೀ ಹಳೆಯ ಭದ್ರಕಾಳಿ ದೇವಾಲಯವಾಗಿದೆ. ಇದನ್ನು ಚಾಲುಕ್ಯ ಅರಸ ದ್ವಿತೀಯ ಪುಲಕೇಶಿ ಕ್ರಿ.ಶ. 625 ರ ಸುಮಾರಿಗೆ ಕಟ್ಟಿಸಿರಬಹುದು ಎಂದು ಹೇಳಲಾಗಿದೆ. ಇದು ಭದ್ರಕಾಳಿ ಕೊಳದ ದಡದಲ್ಲಿದೆ. ಹಿಂದೂ ನಂಬಿಕೆಯ ಪ್ರಕಾರ ಭದ್ರಕಾಳಿ ದೇವಿಯನ್ನು ಮೂಲ ದೇವಿ ಎಂದು ನಂಬಲಾಗಿದೆ. ಇಲ್ಲಿರುವ ಭದ್ರಕಾಳಿ ದೇವಿಯ ಮೂರ್ತಿಯ ಎಲ್ಲಾ ಎಂಟು ಕೈಗಳಲ್ಲೂ ಆಯುಧಗಳಿರುವುದನ್ನು ನೀವು ಕಾಣಬಹುದಾಗಿದೆ.

ಇದು ಅಲ್ಲಾವುದ್ದೀನ್ ಖಿಲ್ಜಿ ಹಾಗೂ ಆತನ ಉತ್ತರಾಧಿಕಾರಿಗಳ ಆಡಳಿತಾವಧಿಯಲ್ಲಿ ಬಹಳ ಆಕ್ರಮಣಕ್ಕೆ ಒಳಗಾಗಿತ್ತು. ಆದರೆ 20 ನೆಯ ಶತಮಾನ ಉತ್ತರಾರ್ಧದಲ್ಲಿ ಪುನರ್ ನಿರ್ಮಾಣಗೊಂಡಿತು. ಇದು ಚಾಲುಕ್ಯ ಆಡಳಿತಾವಧಿಯ ಮತ್ತು ಅವರ ವಾಸ್ತುಶಿಲ್ಪದ ಶ್ರೇಷ್ಠತೆಗೆ ಒಂದು ಉತ್ತಮ ಉದಾಹರಣೆಯಾಗಿ ಇಂದಿಗೂ ನಮ್ಮ ನಡುವೆ ಇದೆ.

ಇಲ್ಲಿ ಸುತ್ತುವರೆದಿರುವ ಬೃಹತ್ ಬಂಡೆಗಳು ಈ ಸ್ಥಳಕ್ಕೆ ಧಾರ್ಮಿಕ ಮಹತ್ವದ ಜೊತೆಗೆ ಸೌಂದರ್ಯವನ್ನೂ ನೀಡಿದೆ. ಅದರಲ್ಲೂ ಸೂರ್ಯಾಸ್ತದ ಸಮಯದಲ್ಲಂತೂ ಇಲ್ಲಿನ ನಿಸರ್ಗ ಸೊಬಗೂ ಸವಿದವರಿಗೇ ಗೊತ್ತು.