ಹಿಂದೂ ಧರ್ಮದವರಿಗೆ ಗೋವಿಂದರಾಜಲು ಗುಟ್ಟ ಒಂದು ಪವಿತ್ರವಾದ ಸ್ಥಳವಾಗಿದೆ. ಇದೊಂದು ಪ್ರವಾಸಿಗಳ ಆಕರ್ಷಕ ತಾಣವಾಗಿದೆ. ಬೆಟ್ಟದ ತುದಿಯಲ್ಲಿ ಒಂದು ರಾಮ ಗುಡಿ ಇದೆ. ಹಾಗೂ ಬೆಟ್ಟದ ಬುಡದಲ್ಲಿ ರಾಮನ ಪರಮಭಕ್ತ ಹನುಮಂತನ ದೇವಾಲಯವಿದೆ. ಬೆಟ್ಟದ ತುದಿಯನ್ನು ತಲುಪಲು ನೂರು ಮೆಟ್ಟಿಲುಗಳನ್ನು ಹತ್ತಿ ಹೋಗಬೇಕಾಗಿದೆ. ಮೆಟ್ಟಿಲುಗಳನ್ನು ಕಲ್ಲಿನಿಂದ ಕೆತ್ತಿ ಮಡಲಾಗಿದ್ದು ಇದನ್ನು ಹತ್ತಿ ಹೋಗುವಾಗ ಬಹಳ ಜಾಗರೂಕತೆ ವಹಿಸುವುದು ಅಗತ್ಯವಾಗಿದೆ.
ರಾಮ ನವಮಿ ಅವಧಿಯಲ್ಲಿ ಇಲ್ಲಿ ಅತೀ ಹೆಚ್ಚಿನ ಭಕ್ತರನ್ನು ಕಾಣಬಹುದಾಗಿದ್ದು ರಾಮ ನವಮಿಯನ್ನು ಬಹಳ ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ಬೆಲೆಬಾಳುವ ವಸ್ತುಗಳಿಂದ ಮಾಡಲಾದ ಒಂದು ಬೃಹತ್ ಗಾತ್ರದ ರಥವನ್ನು ಬೆಟ್ಟದ ಮೇಲೆ ಕಾಣಬಹುದು. ಈ ರಥವನ್ನು ವಾರಂಗಲ್ ನ ಹಜಾರಿಗಳು ತಯಾರಿಸಿದ್ದಾರೆ ಎಂದು ನಂಬಲಾಗಿದೆ.