ಕಾಪು ಬೀಚ್ ಕರ್ನಾಟಕದಲ್ಲೇ ಹೆಚ್ಚು ಪ್ರೇಕ್ಷಣೀಯವಾದದ್ದು. ಇಲ್ಲಿನ ತಂಪಾದ ವಾತಾವರಣದಿಂದಾಗಿ ಈ ಸಮುದ್ರ ತೀರ ಜನಪ್ರಿಯವಾಗಿದೆ. ಸಮುದ್ರ ತೀರವು ಹಸಿರಿನಿಂದ ಕಂಗೊಳಿಸುತ್ತಿರುತ್ತದೆ. ಈ ತಂಪಾದ ವಾತಾವರಣದಿಂದಾಗಿಯೇ ಉತ್ತಮವಾದ ತಾಣ ಎನ್ನಿಸುತ್ತದೆ.ಇದು ಪಶ್ಚಿಮ ಕರಾವಳಿಯಲ್ಲಿದ್ದು, ಪಶ್ಚಿಮ ರಾಷ್ಟ್ರೀಯ ಹೆದ್ದಾರಿಯು ಈ ಪ್ರದೇಶದಲ್ಲಿ ಹಾದುಹೋಗುತ್ತದೆ. ಉಡುಪಿಯಿಂದ ಕೇವಲ ೧೨ ಕಿ.ಮೀ ದೂರದಲ್ಲಿ ಈ ಸಮುದ್ರ ತೀರವಿದೆ ಮತ್ತು ಪಿಕ್ನಿಕ್ಗೆ ಇದು ಉತ್ತಮವಾದ ಸ್ಥಳ. ಸೂರ್ಯಸ್ನಾನಕ್ಕೆ ಹಾಗೂ ಈಜಲು ಇದು ಉತ್ತಮವಾದ ಪ್ರದೇಶ.ಉಡುಪಿಯಿಂದ ಯಾವುದೇ ರೀತಿಯ ಸಾರಿಗೆಗೆ ಕೂಡಾ ಲಭ್ಯವಿದೆ. ಈ ಸಮುದ್ರ ತೀರದ ಸಮೀಪದಲ್ಲಿ ಜೈನ ಬಸದಿಗಳ ಅವಶೇಷಗಳು ಕೂಡಾ ಇವೆ. ಬೀಚ್ನಿಂದ ಸುಮಾರು 1 ಸಾವಿರ ಅಡಿ ಎತ್ತರದಲ್ಲಿ ಲೈಟ್ಹೌಸ್ ಇದೆ. ಕಾಪು ಬೀಚ್ನ ಸಮೀಪ ಇರುವ ಇನ್ನೊಂದು ಆಕರ್ಷಣೆಯೆಂದರೆ, ಹಳೆಯದಾದ ಒಂದು ಕೋಟೆ ಮತ್ತು ಮರಿಯಮ್ಮ ದೇವಿಯ ಎರಡು ದೇವಸ್ಥಾನಗಳು. ವರ್ಷಾದ್ಯಂತ ಈ ದೇವಸ್ಥಾನ ತೆರೆದಿರುತ್ತದೆ.