ಪಾಪನಾಶಿ ತೀರ್ಥವು ತುಳಜಾಪುರದ ಸ್ಮರಣೀಯ ಕಲ್ಯಾಣಿಗಳಲ್ಲಿ ಒಂದಾಗಿದೆ. ಪಾಪನಾಶಿ ಹೆಸರೆ ಸೂಚಿಸುವಂತೆ ಪಾಪಗಳ ನಿವಾರಿಸುವ ತೀರ್ಥವಾಗಿದೆ. ಈ ಸ್ಥಳವು ಭಕ್ತರ ಪಾಪ ಕರ್ಮಗಳನ್ನು ನಿವಾರಿಸುವ ಸಲುವಾಗಿ ಖ್ಯಾತಿ ಪಡೆದಿದೆ.
ಈ ಕಲ್ಯಾಣಿಯು ತುಳಜಾ ಭವಾನಿ ದೇವಾಲಯದ ಹೊರಭಾಗದಲ್ಲಿ ಸುಮಾರು 500 ಮೀಟರ್ ದೂರದಲ್ಲಿ ಸರ್ಕ್ಯೂಟ್ ಹೌಸ್ ಬಳಿ ನೆಲೆಸಿದೆ. ಈ ಕಲ್ಯಾಣಿಯು ಶತಮಾನಗಳಷ್ಟು ಹಿಂದಿನ ಇತಿಹಾಸವನ್ನು ಹೊಂದಿದ್ದು, ಕಲ್ಲುಗಳಿಂದ ಆವೃತ್ತವಾಗಿದೆ.
ಅಸಂಖ್ಯಾತ ಜನರು ಇಲ್ಲಿ ತೀರ್ಥಸ್ನಾನ ಮಾಡಲು ಹಾಗು ಆ ಮೂಲಕ ತಮ್ಮ ಸಕಲ ಪಾಪ ಕರ್ಮಗಳಿಂದ ಮುಕ್ತಿ ಪಡೆಯುವ ಸಲುವಾಗಿ ಇಲ್ಲಿಗೆ ಪ್ರತಿನಿತ್ಯ ಬರುತ್ತಿರುತ್ತಾರೆ.