Click it and Unblock the Notifications
ಪ್ರವಾಸಕ್ಕೆ ತೆರಳುವುದೆಂದರೆ ಯಾರು ಇಷ್ಟಪಡುವುದಿಲ್ಲ ಹೇಳಿ? ಪ್ರತಿಯೊಬ್ಬರೂ ಪ್ರಪಂಚದ ಮೂಲೆ ಮೂಲೆಗೆ ಪ್ರಯಾಣಿಸಲು ಬಯಸುತ್ತಾರೆ. ಆದರೆ ಸಾಮಾನ್ಯವಾಗಿ ಈ ದಾರಿಗೆ ಅಡ್ಡ ಬರುವುದೇ ಬಜೆಟ್. ಆದರೆ ಇನ್ನು ಮುಂದೆ ಇಂತಹುದಕ್ಕೆಲ್ಲಾ ಚಿಂತಿಸಬೇಡಿ. ಇಂದು ನಾವು ನಿಮಗೆ ಕೆಲವು ಸಲಹೆಗಳನ್ನು ನೀಡುತ್ತಿದ್ದು, ನೀವು ಈ ಸಲಹೆ ಅನುಸರಿಸುವುದರಿಂದ ಪ್ರವಾಸ ಮಾಡುವಾಗ ಹಣವನ್ನು ಉಳಿಸಬಹುದು.
ಸ್ಥಳದ ಬಗ್ಗೆ ತಿಳಿದುಕೊಳ್ಳಿ
ಮೊದಲಿಗೆ ನೀವು ಪ್ರವಾಸಕ್ಕೆ ಹೊರಡುವಾಗ ಆ ಸ್ಥಳದ ಬಗ್ಗೆ ಸರ್ಚ್ ಮಾಡಿ. ಅಂದರೆ ಆ ಸ್ಥಳದಲ್ಲಿ ಆಹಾರ, ವಸತಿ ಇತ್ಯಾದಿಗಳ ಬಗ್ಗೆ ಯಾವ ರೀತಿಯ ವ್ಯವಸ್ಥೆಗಳಿವೆ ಎಂಬುದನ್ನು ನೋಡಿ. ಅದಕ್ಕೆ ಅನುಗುಣವಾಗಿ ನಿಮ್ಮ ಬಜೆಟ್ ಅನ್ನು ತಯಾರಿ ಮಾಡಿ, ಈ ವಿಧಾನ ಅನುಸರಿಸುವುದರಿಂದ ನಿಮ್ಮ ಜೇಬಿಗೆ ಹೆಚ್ಚಿಗೆ ಕತ್ತರಿ ಬೀಳುವುದಿಲ್ಲ.
ಮುಂಗಡ ಬುಕ್ಕಿಂಗ್
ಒಮ್ಮೆ ನೀವು ಸ್ಥಳವನ್ನು ಆಯ್ಕೆ ಮಾಡಿದ ನಂತರ, ನೀವು ಮುಂಚಿತವಾಗಿ ಬುಕ್ಕಿಂಗ್ ಮಾಡಬಹುದು. ಅಂದರೆ ಮುಂಗಡವಾಗಿ ಬುಕ್ ಮಾಡಿದರೆ ಫ್ಲೈಟ್ ಟಿಕೆಟ್ ಅಗ್ಗವಾಗಿರುತ್ತದೆ. ಪ್ರವಾಸ ಸಮಯದಲ್ಲಿ ವಿಮಾನ ಟಿಕೆಟ್ಗಳು ಬಹಳ ದುಬಾರಿ. ಆದ್ದರಿಂದ ಸ್ಥಳವನ್ನು ಅದಕ್ಕೆ ಅನುಗುಣವಾಗಿ ಆಯ್ಕೆ ಮಾಡುವುದು ಬುದ್ಧಿವಂತಿಕೆ. ಕೆಲವು ವೆಬ್ಸೈಟ್ಗಳ ಮೂಲಕ, ಯಾವ ಸಮಯದಲ್ಲಿ ಯಾವ ಸ್ಥಳಗಳ ವಿಮಾನಗಳು ಅಗ್ಗವಾಗಿವೆ ಎಂಬುದನ್ನು ನೀವು ಕಂಡುಹಿಡಿಯಬಹುದು. ವಿಮಾನಗಳು ಸಾಮಾನ್ಯವಾಗಿ ನಾಲ್ಕರಿಂದ ಆರು ವಾರಗಳ ಮುಂಚಿತವಾಗಿ ಬುಕ್ ಮಾಡಿದರೆ ಅಗ್ಗವಾಗುತ್ತವೆ. ಅಷ್ಟೇ ಅಲ್ಲ, ಇದು ರೈಲು ಪ್ರಯಾಣಕ್ಕೂ ಅನ್ವಯವಾಗುತ್ತದೆ. ಆ ನಂತರ ನೀವು ತಕ್ಷಣದ ಬುಕಿಂಗ್ ಮಾಡಬೇಕಾದ ಇರಾದೆಯು ಇರುವುದಿಲ್ಲ. ಇದರಿಂದ ಸಾಕಷ್ಟು ಉಳಿತಾಯವೂ ಆಗುತ್ತದೆ.
ಟ್ರಾವೆಲ್ ಬ್ಲಾಗರ್ ಫಾಲೋ ಮಾಡಿ
ಒಮ್ಮೆ ನೀವು ಸ್ಥಳವನ್ನು ಆಯ್ಕೆ ಮಾಡಿದ ನಂತರ, ಅದರ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಪಡೆಯಲು ಉತ್ತಮ ಮಾರ್ಗವೆಂದರೆ ಮೊದಲು ಆ ಸ್ಥಳಕ್ಕೆ ಹೋಗಿ ಬಂದಿರುವ, ಸ್ಥಳದ ಬಗ್ಗೆ ಗೊತ್ತಿರುವ ಜನರೊಂದಿಗೆ ಮಾತನಾಡುವುದು. ನೀವು ಬಜೆಟ್ ಪ್ರವಾಸವನ್ನು ಯೋಜಿಸದಿದ್ದರೂ ಸಹ, ಟ್ರಾವೆಲ್ ಬ್ಲಾಗರ್ಗಳು ನಿಮಗೆ ಸ್ಕ್ಯಾಮ್ಗಳನ್ನು ತಪ್ಪಿಸುವುದು ಮತ್ತು ಅಲ್ಲಿ ಮಾಡಬೇಕಾದ ಸ್ಥಳೀಯ ಕೆಲಸಗಳ ಕುರಿತು ಸಲಹೆಗಳನ್ನು ನೀಡಬಹುದು.
ಈ ಸೀಸನ್ನಲ್ಲಿ ದುಬಾರಿ
ಪೀಕ್ ಸೀಸನ್ ನಲ್ಲಿ ಪ್ರಯಾಣ ಮಾಡುವುದು ಎರಡು ಕಾರಣಗಳಿಗಾಗಿ ಒಳ್ಳೆಯದಲ್ಲ. ಮೊದಲನೆಯದಾಗಿ, ಜನಸಂದಣಿ. ಎರಡನೆಯದು ಬೆಲೆ ಜಾಸ್ತಿ. ಆಫ್ ಸೀಸನ್ನಲ್ಲಿ ಬೆಲೆಗಳು ಸಾಮಾನ್ಯವಾಗಿ ಶೇಕಡ 70 ರಷ್ಟು ಅಗ್ಗವಾಗಬಹುದು, ಹೋಟೆಲ್ಗಳು ಸಹ ತಮ್ಮ ಚಾರ್ಚ್ ಕಡಿಮೆ ಮಾಡುತ್ತವೆ, ಟೂರ್ ಪ್ಯಾಕೇಜ್ ಗಳು ಸಹ ಅಗ್ಗವಾಗಿರುತ್ತವೆ ಮತ್ತು ಕಡಿಮೆ ಜನಸಂದಣಿಯನ್ನು ಹೊಂದಿರುತ್ತವೆ. ವೆಬ್ಸೈಟ್ ಮೂಲಕ ಪ್ರಯಾಣಿಸಲು ಯಾವ ತಿಂಗಳು ಸೂಕ್ತವಾಗಿದೆ ಎಂಬುದನ್ನು ನೀವು ಕಂಡುಹಿಡಿಯಬಹುದು.
ಸ್ಟ್ರೀಟ್ ಫುಡ್
ಪ್ರಯಾಣ ಮಾಡುವಾಗ ನೀವು ಆಹಾರ ಮತ್ತು ಪಾನೀಯಗಳ ಮೇಲೆ ಸಹ ಹಣವನ್ನು ಉಳಿಸಬಹುದು. ಹೇಗೆಂದರೆ ದುಬಾರಿ ಹೊಟೇಲ್, ರೆಸ್ಟೊರೆಂಟ್ ಗಳ ಬದಲು ಸ್ಟ್ರೀಟ್ ಫುಡ್ ನತ್ತ ಹೆಚ್ಚು ಗಮನ ಹರಿಸಬೇಕಾಗುತ್ತದೆ. ಇದರೊಂದಿಗೆ, ನೀವು ಅಗ್ಗದ ಆಹಾರವನ್ನು ಪಡೆಯುತ್ತೀರಿ, ಜೊತೆಗೆ ನೀವು ಸ್ಥಳೀಯ ಆಹಾರದ ರುಚಿಯನ್ನು ಸಹ ಸುಲಭವಾಗಿ ಆನಂದಿಸಬಹುದು. ನೆನಪಿಡಿ, ಸ್ಟ್ರೀಟ್ ಫುಡ್ ಸೇವಿಸುವ ಮೊದಲು, ಖಂಡಿತವಾಗಿಯೂ ಆಹಾರದ ಗುಣಮಟ್ಟವನ್ನು ಪರೀಕ್ಷಿಸಿ. ಸ್ಥಳೀಯರು ಹೆಚ್ಚಾಗಿ ಎಲ್ಲಿ ಖರೀದಿಸುತ್ತಾರೆ ಎಂಬುದನ್ನು ತಿಳಿದುಕೊಳ್ಳಿ. ನೀವು Airbnb ಅಥವಾ ಹಾಸ್ಟೆಲ್ನಲ್ಲಿ ಉಳಿದುಕೊಂಡಿದ್ದರೆ, ನೀವೇ ಅಡುಗೆ ಸಿದ್ಧಪಡಿಸಕೊಳ್ಳಬಹುದು. ಇದು ನಿಮ್ಮ ಆಹಾರದ ಬಜೆಟ್ ಅನ್ನು ಅರ್ಧದಷ್ಟು ಕಡಿತಗೊಳಿಸಬಹುದು.
ಆನ್ಲೈನ್ ಸಹಾಯ
ಈ ಹಿಂದೆ ಪ್ರಯಾಣಿಕರು ತಂಗಲು ಅಗ್ಗ ಮತ್ತು ಉತ್ತಮ ಸ್ಥಳಗಳಿಗಾಗಿ ಕಷ್ಟಪಟ್ಟು ನೋಡಬೇಕಾಗಿತ್ತು. ಆದರೆ ಈಗ ಆನ್ಲೈನ್ನಲ್ಲಿ ಬೆಲೆಗಳನ್ನು ಸುಲಭವಾಗಿ ನೋಡಬಹುದು. ಹಾಸ್ಟೆಲ್ಗಳು, ಗೆಸ್ಟ್ಹೌಸ್ಗಳು ಮತ್ತು ಹೋಂಸ್ಟೇಗಳು ಯಾವಾಗಲೂ ಸರಾಸರಿ ಹೋಟೆಲ್ನ ಅರ್ಧದಷ್ಟು ಬೆಲೆಯಲ್ಲಿ ಲಭ್ಯವಿರುತ್ತವೆ. ಅನೇಕ ಅಪ್ಲಿಕೇಶನ್ಗಳು ಮತ್ತು ವೆಬ್ಸೈಟ್ಗಳು ಸರಿಯಾದ ಶುಲ್ಕಗಳನ್ನು ತೋರಿಸುತ್ತವೆ. ಯಾವುದೇ ಹೆಚ್ಚುವರಿ ಶುಲ್ಕಗಳಿಲ್ಲದೆ ವಿಮಾನಗಳು ಮತ್ತು ಹೋಟೆಲ್ಗಳನ್ನು ಬುಕ್ ಮಾಡಲು ನಿಮಗೆ ಸಹಾಯ ಮಾಡುತ್ತವೆ.
ಲಾಂಗ್ವೇಜ್ ಅಪ್ಲಿಕೇಶನ್ ಬಳಸಿ
ಇದು ನಿಮ್ಮ ಪ್ರಯಾಣದಲ್ಲಿ ತುಂಬಾ ಉಪಯುಕ್ತವಾಗಿರುತ್ತದೆ. ಯಾವುದೇ ಅಂತರರಾಷ್ಟ್ರೀಯ ಪ್ರಯಾಣದ ಮೊದಲು ನಿಮ್ಮ ಫೋನ್ಗೆ ಆ ಭಾಷೆ ಸಂಬಂಧಿತ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡಿ. Google ಅನುವಾದದಂತಹ ಅಪ್ಲಿಕೇಶನ್ಗಳು ನಗರವನ್ನು ಆರಾಮಾಗಿ ಸುತ್ತಲು ನಿಮಗೆ ಸಹಾಯ ಮಾಡುತ್ತವೆ. ಅವು ನಿಮಗೆ ಚೌಕಾಸಿ ಮಾಡಲು, ಸಾರ್ವಜನಿಕ ಸೌಕರ್ಯಗಳ ಕುರಿತು ಮಾತನಾಡಲು ಮತ್ತು ಆನ್ಲೈನ್ನಲ್ಲಿ ಕಂಡುಹಿಡಿಯಲು ಅಸಾಧ್ಯವಾದ ಸ್ಥಳೀಯ ರಹಸ್ಯಗಳನ್ನು ಬಹಿರಂಗಪಡಿಸಲು ಸಹಾಯ ಮಾಡುತ್ತದೆ.
ಸ್ಥಳೀಯ ಸಾರಿಗೆಗೆ ಹೆಚ್ಚಿನ ಆದ್ಯತೆ
ನೀವು ಪ್ರಯಾಣದ ಸಮಯದಲ್ಲಿ ಟ್ಯಾಕ್ಸಿ ಇತ್ಯಾದಿಗಳನ್ನು ಬುಕ್ ಮಾಡಿದರೆ, ಅದು ನಿಮಗೆ ಖಂಡಿತ ದುಬಾರಿಯಾಗುತ್ತದೆ. ಆದ್ದರಿಂದ ನೀವು ಸ್ಥಳೀಯ ಸಾರಿಗೆಗೆ ಹೆಚ್ಚಿನ ಆದ್ಯತೆ ನೀಡಬೇಕು, ಇದರಿಂದ ನಿಮಗೆ ಬಹಳಷ್ಟು ಉಳಿತಾಯವಾಗುತ್ತದೆ.
