ದೈತ್ಯ ಏಕಶಿಲಾ ನಂದಿ ವಿಗ್ರಹಗಳು

ಲೇಪಾಕ್ಷಿ:

ಆಂಧ್ರ ಪ್ರದೇಶದ ಲೇಪಾಕ್ಷಿಯಲ್ಲಿರುವ ಬೃಹತ್ ನಂದಿ ವಿಗ್ರಹವು ಭಾರತದ ಅತಿ ದೊಡ್ಡ ನಂದಿ ವಿಗ್ರಹವಾಗಿದ್ದು ಬಹು ಪ್ರಖ್ಯಾತಿಯನ್ನು ಪಡೆದಿದೆ. 15 ಅಡಿ ಎತ್ತರವಿರುವ ಈ ವಿಗ್ರಹವು 27 ಅಡಿಗಳಷ್ಟು ಉದ್ದವಿದೆ.

ಚಿತ್ರಕೃಪೆ: Neaheg

ಬೃಹದೀಶ್ವರ ದೇವಾಲಯ:

ತಮಿಳುನಾಡಿನ ತಂಜಾವೂರು ಪಟ್ಟಣದಲ್ಲಿರುವ ಯುನೆಸ್ಕೊ ಮಾನ್ಯತೆ ಪಡೆದ ಬೃಹದೀಶ್ವರ ದೇವಾಲಯ ಆವರಣದಲ್ಲಿರುವ ದೊಡ್ಡ ಏಕಶಿಲಾ ನಂದಿ ವಿಗ್ರಹವು ಗಮನ ಸೆಳೆಯುತ್ತದೆ. 13 ಅಡಿ ಎತ್ತರ ಹಾಗು 16 ಅಡಿಗಳಷ್ಟು ಉದ್ದದ ರಚನೆ ಇದಾಗಿದೆ.

ಚಿತ್ರಕೃಪೆ: Hari Shankar05

ಚಾಮುಂಡಿ ಬೆಟ್ಟ:

ಮೈಸೂರಿನ ಚಾಮುಂಡಿ ಬೆಟ್ಟದಲ್ಲಿ ನೆಲೆಸಿರುವ ಈ ಪ್ರಖ್ಯಾತ ನಂದಿ ವಿಗ್ರಹವು 15 ಅಡಿ ಎತ್ತರ ಹಾಗು 24 ಅಡಿಗಳಷ್ಟು ಉದ್ದವಿದೆ. 1664 ರಲ್ಲಿ ದೊಡ್ಡ ರಾಜ ವಡೇಯರ್ ಅವರಿಂದ ಈ ಏಕಶಿಲಾ ವಿಗ್ರಹವು ಪ್ರತಿಷ್ಠಾಪಿಸಲಪಟ್ಟಿದೆ.

ಚಿತ್ರಕೃಪೆ: Sanjay Acharya

ಬಸವನಗುಡಿ:

ಐಟಿ ನಗರಿ ಬೆಂಗಳೂರಿನಲ್ಲಿರುವ ಇದೆ ಹೆಸರಿನ ಪ್ರದೇಶವಾದ ಬಸವನಗುಡಿಯಲ್ಲಿ ನಂದಿಗೆಂದೆ ಸಮರ್ಪಿತವಾದ ದೇವಾಲಯದಲ್ಲಿ ಈ ಆಕರ್ಷಕ ವಿಗ್ರಹವಿದೆ. 15 ಅಡಿ ಎತ್ತರ ಹಾಗು 20 ಅಡಿಗಳಷ್ಟು ಉದ್ದವಾಗಿದೆ ಈ ರಚನೆ. ಈ ದೇಗುಲಕ್ಕೆ ಸಂಬಂಧಿಸಿದ ಕಡಲೆಕಾಯಿ ಪರಿಶೆ ಎಂಬ ಉತ್ಸವವನ್ನು ಪ್ರತಿ ವರ್ಷ ಡಿಸೆಂಬರ್ ತಿಂಗಳಿನಲ್ಲಿ ಆಯೋಜಿಸಲಾಗುತ್ತದೆ.

ಚಿತ್ರಕೃಪೆ: Visdaviva

ಹೊಯ್ಸಳೇಶ್ವರ ಮತ್ತು ಶಾಂತಲೇಶ್ವರ ದೇಗುಲಗಳು:

ಸುಮಾರು 11 ಶತಮಾನದಲ್ಲಿ ನಿರ್ಮಿಸಲಾದ ಹಳೇಬೀಡುವಿನಲ್ಲಿರುವ ಈ ದೇಗುಲಗಳ ಆವರಣದ ಪ್ರವೇಶ ಸ್ಥಳಗಳಲ್ಲಿ ಯಥಾವತ್ತಾದ ಆದರೆ ಆಕರದಲ್ಲಿ ವ್ಯತ್ಯಾಸವಿರುವ ಈ ನಂದಿ ವಿಗ್ರಹಗಳನ್ನು ಕಾಣಬಹುದು.

ಚಿತ್ರಕೃಪೆ: Ramanathan.k.i

ವಿರೂಪಾಕ್ಷ ದೇವಾಲಯ:

ಯುನೆಸ್ಕೊ ಮಾನ್ಯತೆ ಪಡೆದ ಕರ್ನಾಟಕದ ಹೆಮ್ಮೆಯ ವಿಜಯ ನಗರ ಸಾಮ್ರಾಜ್ಯದ ಗತ ವೈಭವವನ್ನು ಸಾರುವ ಹಂಪಿ ನಗರದಲ್ಲಿರುವ ಪ್ರಖ್ಯಾತ ವಿರೂಪಾಕ್ಷ ದೇವಸ್ಥಾನದಲ್ಲಿ ಈ ಆಕರ್ಷಕ ನಂದಿ ವಿಗ್ರಹವನ್ನು ಕಾಣಬಹುದಾಗಿದೆ.

ಚಿತ್ರಕೃಪೆ: Mukul Banerjee

ನಂದಿ ದೇವಸ್ಥಾನ:

ಮಧ್ಯ ಪ್ರದೇಶ ರಾಜ್ಯದ ಶೃಂಗಾರ ರಸ ಉಕ್ಕಿಸುವ ಖಜುರಾಹೊ ನಲ್ಲಿದೆ ನಂದಿಗೆ ಸಮರ್ಪಿತವಾದ ಈ ದೇವಸ್ಥಾನ. ಶಿವನ ಅವತಾರವಾದ ವಿಶ್ವನಾಥ ದೇವಸ್ಥಾನದ ಎದುರಿನಲ್ಲೆ ಈ ನಂದಿಯ ದೇವಾಲಯವಿದೆ. ಖಜುರಾಹೊ ಸ್ಮಾರಕಗಳ ಸಮೂಹದಲ್ಲಿ ಈ ರಚನೆಯೂ ಒಂದಾಗಿದೆ.

ಚಿತ್ರಕೃಪೆ: Rajenver