Click it and Unblock the Notifications
ಶಿವಪುರಿಯಿಂದ ಸುಮಾರ್ 50 ಕಿ.ಮೀ. ದೂರದಲ್ಲಿ ಸುಲ್ತಾನ್ ಘರ್ ಜಲಧಾರೆಯಿದೆ. ಈ ಸುಂದರವಾದ ಜಲಪಾತ ಸಮೃದ್ಧ ಅರಣ್ಯ ಪ್ರದೇಶದ ನಡುವೆ ಕಂಗೊಳಿಸುತ್ತದೆ. ಶಿವಪುರಿ ಹಾಗು ಸುತ್ತಮುತ್ತಲಿನ ಸಾಲುಬೆಟ್ಟಗಳು ಈ ಸುಂದರವಾದ ಜಲಪಾತಕ್ಕೆ ಕಳೆಕಟ್ಟುವಂತಿವೆ. ಸುಲ್ತಾನ್ ಘರ್ ಒಂದು ನೈಸರ್ಗಿಕ ಜಲಪಾತವಾಗಿದ್ದು, ಪಾರ್ವತಿ ನದಿಯು ಶಾಂತವಾಗಿ ಸಮತಟ್ಟಾದ ಭೂಮಿಯ ಮೇಲೆ ಹರಿದು ನಂತರ ಬೆಟ್ಟಗಳ ಮೇಲಿಂದ ಧುಮುಕುವುದು ಪ್ರವಾಸಿಗರ ಕಣ್ಮನಗಳನ್ನು ತಣಿಸುತ್ತದೆ.
ಇಲ್ಲಿ ಪ್ರವಾಸ ಕೈಗೊಳ್ಳಲು ಮಳೆಗಾಲವೇ ಸೂಕ್ತ ಸಮಯ. ಈ ಸಮಯದಲ್ಲಿ ಪಾರ್ವತಿ ನದಿ ಉಕ್ಕಿ ಹರಿಯುತ್ತಿರುತ್ತಾಳೆ. ಹಸಿರು ಬನಸಿರಿಯ ಮಧ್ಯೆ ಜಲಪಾತ ನೋಡುವುದು ಒಂದು ಸುಂದರ ವಿಹಾರದಂತಿರುತ್ತದೆ. ಛಾಯಾಚಿತ್ರಕಾರರಿಗೆ ಹಾಗು ಪರಿಸರ ಪ್ರೇಮಿಗಳಿಗೆ ಸೂರ್ಯೋದಯದಿಂದ ಸೂರ್ಯಾಸ್ತದವರೆಗೆ ಸಮಯ ಕಳೆದಿದ್ದು ಗೊತ್ತೇ ಆಗುವುದಿಲ್ಲ.
