ಆಡುಮಾತಿನಲ್ಲಿ ಮಾಧವ ವಿಲಾಸ ಅರಮನೆ 'ಪ್ಯಾಲೇಸ್' ಎಂದೇ ಅಲ್ಲಿನ ಜನಸಾಮಾನ್ಯರು ಕರೆಯುತ್ತಾರೆ. ಇಂಥಹ ಅದ್ಭುತವಾದ, ಆಕರ್ಷಿತವಾದ ಅರಮನೆ ತನಗೆ ತಾನೇ ಸಾಟಿ. ಸುಂದರವಾದ ಆಧಾರಸ್ತಂಭಗಳು, ಸಾಕಷ್ಟು ಗುಮ್ಮಟಗಳು, ಅಮೃತಶಿಲೆಯಿಂದ ಮಾಡಿದ ನೆಲಗಳು, ಗುಲಾಬಿ ಬಣ್ಣದಿಂದ ಕಂಗೊಳಿಸುವ ಈ ಅರಮನೆ ನಿಜಕ್ಕೂ ವೈಭವದಿಂದ ಕೂಡಿದೆ. ಇದರ ಶಿಲ್ಪಕಲೆ ನಿಜಕ್ಕೂ ಪ್ರಶಂಸನೀಯ. ಇಂದಿಗೂ ಸಹ ಇದರ ಟೆರೇಸು ಹಾಗು ಗುಮ್ಮಟಗಳು ಸುಂದರವಾಗಿದ್ದು ಅಳಿಯದೆ ರಕ್ಷಿಸಲ್ಪಟ್ಟಿವೆ. ಆಗಿನ ಕಾಲದಲ್ಲಿ ಇದು ಸಿಂಧಿಯಾ ರಾಜಮನೆತನದ ಬೇಸಿಗೆ ಅರಮನೆಯಾಗಿತ್ತು. ಅರಮನೆಯ ಟೆರೇಸಿನ ಮೇಲೆ ರಾಜಮನೆತನದ ಹೆಂಗಸರು, ರಾಜರು ಬೇಟೆಯ ನಂತರ ವಾಪಸಾಗಿ ಬರುವ ನಿರೀಕ್ಷೆಯಲ್ಲಿರುವ ವರ್ಣಚಿತ್ರ ಮನಸೆಳೆಯುತ್ತಿದೆ. ಇಂದು ಈ ಅರಮನೆಯನ್ನು ಕೇಂದ್ರ ಸರಕಾರದ ಗುಪ್ತ ದಳದ ತರಬೇತಿ ಕೇಂದ್ರವಾಗಿದೆ.