ಅಮರೇಶ್ವರ್ ಮಹಾದೇವ್ ದೇವಾಲಯವು ಸವಾಯಿ ಮಾಧೊಪುರಕ್ಕೆ ಸಮೀಪದ ಧಾರ್ಮಿಕ ಆಕರ್ಷಣೆಗಳಲ್ಲಿ ಪ್ರಮುಖವಾದುದಾಗಿದೆ. ಇದು ರಣಥಾಂಬೊರ್ ಮತ್ತು ಸವಾಯಿ ಮಾಧೊಪುರದ ನಡುವಿನ ರಸ್ತೆಯಲ್ಲಿ ನೆಲೆಗೊಂಡಿದೆ. ಹಚ್ಚ ಹಸಿರಿನಿಂದ ಕೂಡಿದ ಬೆಟ್ಟಗಳ ನಡುವೆ ನೆಲೆಗೊಂಡಿರುವ ಈ ದೇವಾಲಯವು ಸವಾಯಿ ಮಾಧೊಪುರದ ನಿವಾಸಿಗಳ ಪ್ರಮುಖ ವಿಹಾರ ತಾಣವಾಗಿ ರೂಪುಗೊಂಡಿದೆ.
ಈ ದೇವರಿಗೆ ಪೂಜೆ ಪುನಸ್ಕಾರಗಳನ್ನು ಸಲ್ಲಿಸಲು ಅಸಂಖ್ಯಾತ ಭಕ್ತರು ಆಗಮಿಸುತ್ತಿರುತ್ತಾರೆ. ಅಮರೇಶ್ವರ್ ದೇವಾಲಯವು ತನ್ನ ಐತಿಹಾಸಿಕ ಮತ್ತು ಧಾರ್ಮಿಕ ಉದ್ದೇಶಗಳಿಗಾಗಿ ಮಾತ್ರವಲ್ಲದೆ, ತನ್ನ ಸುತ್ತ ಮುತ್ತಲ ಸುಂದರ ಪರಿಸರದ ಕಾರಣವಾಗಿ ಅಧಿಕ ಸಂಖ್ಯೆಯಲ್ಲಿ ಪ್ರವಾಸಿಗರನ್ನು ತನ್ನತ್ತ ಆಕರ್ಷಿಸುತ್ತಿದೆ. ಈ ದೇವಾಲಯದ ಸಮೀಪದಲ್ಲಿ ಮಂತ್ರ ಮುಗ್ಧಗೊಳಿಸುವಂತಹ ಒಂದು ಜಲಪಾತ ಮತ್ತು ತೋಪುಗಳನ್ನು ಕಾಣಬಹುದಾಗಿದೆ.