ಸರ್ಚುನ ಪ್ರಮುಖ ಆಕರ್ಷಣೆಗಳಲ್ಲಿ ಸರಪ್ ಚು ನದಿಯೂ ಒಂದು. ಮನಾಲಿ-ಲೇಹ್ ಹೆದ್ದಾರಿಯ ಗುಂಟ ಹರಿಯುವ ಈ ನದಿಯು ರುಪ್ಶು ಪ್ರಸ್ಥಭೂಮಿಯ ಕರುಗುವ ಹಿಮಬಂಡೆಗಳನ್ನು ಒಳಗೊಂಡಿರುತ್ತದೆ. ಸರಪ್ ಚು ನದಿಯು ಪಾಡುಮ್ ಕಣಿವೆಯಲ್ಲಿ ಹರಿಯುವ ದೋದಾ ನದಿಯೊಂದಿಗೆ ಸೇರಿ, ಕೊನೆಯದಾಗಿ ಬೃಹತ್ ಆದ ಝನ್ಸ್ಕರ್ ನದಿಯಾಗಿ ರೂಪಗೊಳ್ಳುತ್ತದೆ. ಲಡಾಖ್ ನ ಝನ್ಸ್ಕಾರ್ ಪ್ರದೇಶದಲ್ಲಿ ಚಾರಣ ಮಾಡಬಯಸುವವರಿಗೆ ಈ ತಾಣವು ಟ್ರೆಕ್ಕಿಂಗ್ ಬೇಸ್ ಆಗಿ ಕಾರ್ಯನಿರ್ವಹಿಸುತ್ತದೆ.
ಈ ಪ್ರದೇಶಕ್ಕೆ ಭೇಟಿ ನೀಡಲು ಬೇಸಿಗೆ ಅಂದರೆ ಜೂನ್ ಹಾಗು ಅಕ್ಟೋಬರ್ ಮಧ್ಯದ ಸಮಯವು ಪ್ರಶಸ್ತವಾಗಿದೆ. ಏಕೆಂದರೆ ಈ ಸಂದರ್ಭದಲ್ಲಿ 25°C ನಷ್ಟು ಹಿತಕರವಾದ ತಾಪಮಾನ ಇಲ್ಲಿರುತ್ತದೆ. ಅದೇ ಚಳಿಗಾಲ ಅಂದರೆ ಅಕ್ಟೋಬರ್ ಹಾಗು ಮೇ ಮಧ್ಯದ ಸಮಯದಲ್ಲಿ ಪ್ರದೇಶದ ತಾಪಮಾನವು ಸಹಿಸಲಸಾಧ್ಯವಾದ -38˚C ಗೆ ಕುಸಿದು, ಅತಿಯಾದ ಹಿಮಪಾತವಿದ್ದು, ರಸ್ತೆಗಳು ಮುಚ್ಚಲ್ಪಟ್ಟು ಭೇಟಿ ನೀಡಲು ಅಸಾಧ್ಯವಾದ ವಾತಾವರಣವನ್ನು ನಿರ್ಮಿಸುತ್ತದೆ.