Click it and Unblock the Notifications
ರಬ್ಡೆನ್ಸೆ (Rabdentse) ಅವಶೇಷಗಳು ಅರಮನೆಯೊಂದರ ಅವಶೇಷಗಳಾಗಿದ್ದು, ಈ ಅರಮನೆಯು ನೇಪಾಳೀ ಸೇನೆಯಿಂದ ಧ್ವಂಸಗೊಳಿಸಲ್ಪಟ್ಟಿತ್ತು. ಈ ಅರಮನೆಯ ಅವಶೇಷಗಳು ಹಾಗೂ ಚೊರ್ಟೆನ್ (ಅರಮನೆಯಲ್ಲಿ ಪ್ರಾರ್ಥನೆಗಳನ್ನು ಸಲ್ಲಿಸಲಾಗುತ್ತಿದ್ದ ಸ್ಥಳ) ಗಳು ಸಿಕ್ಕಿಂ ನ ಹಿಂದಿನ ಅರಸು ಮನೆತನದ ಅವಶೇಷಗಳಾಗಿ ಉಳಿದಿವೆ.
ರಬ್ಡೆನ್ಸೆ ಸಿಕ್ಕಿಂ ನ ಎರಡನೆಯ ರಾಜಧಾನಿಯಾಗಿದ್ದು, ಮೊದಲನೆಯದು ಯುಕ್ಸೊಮ್ ಆಗಿದೆ. ರಬ್ಡೆನ್ಸೆ ಅವಶೇಷಗಳು ಭೌದ್ಧ ತೀರ್ಥಕ್ಷೇತ್ರಗಳ ಮಂಡಲದ ಒಂದು ಭಾಗವಾಗಿದ್ದು, ಯುಕ್ಸೊಮ್ ನಲ್ಲಿರುವ ದುಬ್ಡಿ ಸನ್ಯಾಸಿಮಠದಿಂದ ಮೊದಲ್ಗೊಂಡು ಇಲ್ಲಿ ಅನೇಕ ಸನ್ಯಾಸಿ ಮಠಗಳಿವೆ.
ರಬ್ಡೆನ್ಸೆ ನ ಅವಶೇಷಗಳನ್ನು ಎರಡು ವಿಭಾಗಗಳಾಗಿ ವಿಂಗಡಿಸಲಾಗಿದೆ - ಒಂದು ಉತ್ತರ ವಿಭಾಗ (northern wing ) ಮತ್ತು ಇನ್ನೊಂದು ದಕ್ಷಿಣ ವಿಭಾಗ (southern wing). ಅರಸು ಮನೆತನವು ಉತ್ತರ ವಿಭಾಗದಲ್ಲಿ ವಾಸವಾಗಿತ್ತು. ಇಲ್ಲೊಂದು ತೆರೆದ ಚೌಕಾಕಾರದ ಸ್ಥಳಾವಕಾಶವಿದ್ದು, ಇಲ್ಲಿ ಅರಸು ಮನೆತನದವರು ಪ್ರಾರ್ಥನೆಯನ್ನು ಸಲ್ಲಿಸುತ್ತಿದ್ದ "ದಬ್ ಲಘಾಂಗ್" ನ ಅವಶೇಷಗಳಿವೆ. ಈ ಸ್ಥಳವು ಭಾರತೀಯ ಐತಿಹಾಸಿಕ ಸಮೀಕ್ಷೆ (Archeological Survey of India) ಇವರಿಂದ ಸಂರಕ್ಷಿಸಲ್ಪಟ್ಟಿದ್ದು, ಇದನ್ನೊಂದು ಭಾರತದ ರಾಷ್ಟ್ರೀಯ ಪ್ರಾಮುಖ್ಯತೆಯ ಸ್ಮಾರಕವೆಂದು ಪರಿಗಣಿಸಲಾಗಿದೆ.
