Click it and Unblock the Notifications
ಕ್ರಿ.ಶ.7ನೇ ಶತಮಾನದಲ್ಲಿ ನಿರ್ಮಿಸಲಾಗಿರುವ ಕಾಡಸಿದ್ದೇಶ್ವರ ದೇವಾಲಯ, ಎತ್ತರದ ಗದ್ದಿಗೆ ಕಲ್ಲಿನ ಮೇಲೆ ಕಟ್ಟಲಾಗಿದೆ. ತ್ರಿಶೂಲವನ್ನು ಹಿಡಿದಿರುವ ಶಿವನ ವಿಗ್ರಹ ಇರುವ ಈ ದೇವಾಲಯವು ಪ್ರವಾಸಿಗರಲ್ಲಿ ಅತ್ಯಂತ ಜನಪ್ರಿಯ ದೇವಾಲಯವಾಗಿದೆ. ಕಾಡಸಿದ್ದೇಶ್ವರದ ಅವಳಿ ದೇವಾಲಯದ ಮತ್ತೊಂದು ದೇವಸ್ಥಾನವು ಜಂಬುಕೇಶ್ವರ ದೇವಾಲಯವಾಗಿದ್ದು ಇದೇ ಕಾಲದಲ್ಲಿ ನಿರ್ಮಾಣಗೊಂಡ ಈ ದೇವಾಲಯವೂ ಕೂಡ ಬಹಳ ಜನಪ್ರಿಯವಾಗಿದೆ. ಈ ಎರಡೂ ದೇವಾಲಯವು ಒಂದೇ ಶೈಲಿಯ ನಾಗರ ಶಿಲ್ಪಕಲೆಯನ್ನ ಹೊಂದಿದ್ದು ಐಹೊಳೆಯಲ್ಲಿರುವ ಹುಚ್ಚಿಮಲ್ಲಿ ಗುಡಿಗೆ ಹೋಲಿಕೆಯಾಗುತ್ತದೆ.
ಈ ದೇವಾಲಯವು ಚೌಕಾಕಾರದ ಪವಿತ್ರ ಸ್ಥಳ ಅಥವಾ ಗರ್ಭಗೃಹ ಹೊಂದಿದ್ದು ಇದರ ತ್ರಿಕೋನಾಕಾರದ ಮಂಟಪದ ಮೇಲಿರುವ ಪೀಠದ ಮೇಲೆ ಲಿಂಗವನ್ನು ಪ್ರತಿಷ್ಠಾಪಿಸಲಾಗಿದೆ. ರೇಖನಾಗರ ಶೈಲಿಯ ವಿಶೇಷ ವಿನ್ಯಾಸದ ಮೂಲ ತತ್ವವು ಸುಖಾಸದಲ್ಲಿ ಪ್ರದರ್ಶನವಾಗಿದೆ. ಈ ಸುಖಾಸನವು ಶಿವ ಮತ್ತು ಪಾರ್ವತಿಯರು ನರ್ತಿಸುತ್ತಿರುವ ದೃಶ್ಯ ಎಂಬುದನ್ನು ಪ್ರವಾಸಿಗರು ಗುರುತಿಸಿದ್ದಾರೆ. ಪ್ರವಿತ್ರ ಸ್ಥಳದ ಗೋಡೆಗಳಲ್ಲಿರುವ ಗೂಡು ಅಥವಾ ನಿಕೇತಗಳಲ್ಲಿ ಸುಂದರವಾದ ಹರಿಹರ(ಪಶ್ಚಿಮ), ಅರ್ಧನಾರೀಶ್ವರ(ಉತ್ತರ) ಹಾಗೂ ಶಿವ(ದಕ್ಷಿಣ)ನ ಆಕೃತಿಗಳನ್ನು ಕೆತ್ತಲಾಗಿದೆ. ಪ್ರವಾಸಿಗರು ಇಲ್ಲಿಗೆ ಒಮ್ಮೆ ಭೇಟಿ ಕೊಡುವುದು ಒಳ್ಳೆಯದು.
