ಹೊಸ ಲುಕ್‌ನಲ್ಲಿ ಒನ್‌ಇಂಡಿಯಾ: ಹಿಂದೆಂದಿಗಿಂತಲೂ ವಿಶಿಷ್ಟವಾಗಿ ಓದುಗರ ಮುಂದೆ

ಬೆಂಗಳೂರು, ಆಗಸ್ಟ್ 15: ಭಾರತೀಯರ ಮೆಚ್ಚಿನ ನ್ಯೂಸ್ ಪೋರ್ಟಲ್ ಒನ್ ಇಂಡಿಯಾ ಇನ್ನುಮುಂದೆ ಹೊಸ ರೂಪದಲ್ಲಿ ಓದುಗರ ಮುಂದೆ ಬರಲಿದೆ. ಬೆಳ್ಳಿ ಹಬ್ಬದ ಸಂಭ್ರಮದಲ್ಲಿರುವ ಒನ್ ಇಂಡಿಯಾ ಸಂಸ್ಥೆ ಹೊಸ ರೂಪಾಂತರವನ್ನು ಓದುಗರಿಗೆ ಪರಿಯಚಯಿಸಲು ಹೆಮ್ಮೆ ಪಡುತ್ತಿದೆ. ಡಿಜಿಟಲ್ ಮಾಧ್ಯಮದಲ್ಲಿ ಇನ್ನಷ್ಟು ವಿಕಸನಗೊಂಡು ಹಿಂದೆಂದಿಗಿಂತಲೂ ಓದುಗರಿಗೆ ಹೆಚ್ಚು ಹತ್ತಿರವಾಗುವ ಗುರಿಯೊಂದಿಗೆ ಒನ್ ಇಂಡಿಯಾ ವಿನೂತನವಾಗಿ ರೂಪಾಂತರಗೊಂಡಿದೆ.#ThereIsOnlyOneindia ಎನ್ನುವ ಟ್ಯಾಗ್ ಲೈನ್ ನೊಂದಿಗೆ ಪ್ರೇಕ್ಷಕರ ಮುಂದೆ ಬರುತ್ತಿರುವ ರೂಪಾಂತರಗೊಂಡ ಒನ್ ಇಂಡಿಯಾ, ಮೊದಲಿನ ವಿಶ್ವಾಸಾರ್ಹತೆ, ಸ್ಪಷ್ಟತೆ, ವೇಗದಂತಹ ಸಕರಾತ್ಮಕ ಅಂಶಗಳೊಂದಿಗೆ ಹೊಸತನವನ್ನು ಅಳವಡಿಸಿಕೊಂಡು ಬದಲಾವಣೆಗೊಂಡಿದೆ. ಇದರಿಂದ ಓದುಗರಿಗೆ ಮತ್ತಷ್ಟು ಅವಕಾಶ ಸಿಗಲಿದ್ದು, ಪ್ರತಿಯೊಬ್ಬ ಭಾರತೀಯನ ಮನೆ-ಮನಗಳಿಗೂ ಒನ್ ಇಂಡಿಯಾ ತಲುಪಲಿದೆ.ಒನ್ ಇಂಡಿಯಾ ಸಂಸ್ಥೆ ಬೆಳ್ಳಿ ಹಬ್ಬದ ಸಂಭ್ರಮದಲ್ಲಿದೆ. 1999ರಲ್ಲಿ Indiainfo.com ಎನ್ನುವ ಹೆಸರಿನೊಂದಿಗೆ ಈ ಸಂಸ್ಥೆ ಆರಂಭವಾಯಿತು. ಸುಮಾರು 25 ವರ್ಷಗಳ ಸುಧೀರ್ಘ ಈ ಐತಿಹಾಸಿಕ ಪ್ರಯಾಣದಲ್ಲಿ ಬಹಳಷ್ಟು ಬದಲಾವಣೆಗಳಾಗಿದೆ. ತಂತ್ರಜ್ಞಾನದಲ್ಲಾದ ಬದಲಾವಣೆಗಳಿಗೆ ಹೊಂದಿಕೊಳ್ಳುತ್ತಾ, ಓದುಗರ ಅಗತ್ಯತೆಯನ್ನು ಪೂರೈಸುತ್ತಾ ಇಂದು ಮಾಧ್ಯಮ ರಂಗದಲ್ಲಿ ಒನ್ ಇಂಡಿಯಾ ಬಲಿಷ್ಠವಾಗಿ ಬೆಳೆದು ನಿಂತಿದೆ.ಪ್ರಸ್ತುತ ಒನ್ ಇಂಡಿಯಾ ಭಾರತದ ಪ್ರಮುಖ ನ್ಯೂಸ್ ಪೋರ್ಟಲ್ ಗಳಲ್ಲಿ ಒಂದಾಗಿದೆ. ಬಹುಭಾಷಾ ತಾಣವಾಗಿರುವ ಈ ಸಂಸ್ಥೆ ಇಂಗ್ಲಿಷ್, ಹಿಂದಿ, ತಮಿಳು, ಕನ್ನಡ, ಮಲಯಾಳಂ, ತೆಲುಗು, ಮರಾಠಿ, ಗುಜರಾತಿ, ಒಡಿಯಾ, ಬೆಂಗಾಲಿ ಮತ್ತು ಪಂಜಾಬಿ ಭಾಷೆಗಳಲ್ಲಿ ಲಭ್ಯವಿದೆ. ಈ ಮೂಲಕ ಭಾರತದ ಪ್ರತಿ ಪ್ರೇಕ್ಷಕನ ಅಗತ್ಯತೆಯನ್ನು ಪೂರೈಸುವಲ್ಲಿ ಸಂಸ್ಥೆ ಬದ್ಧವಾಗಿದೆ.200 ಮಿಲಿಯನ್ ಗಿಂತಲೂ ಹೆಚ್ಚು ಮಾಸಿಕ ಬಳಕೆದಾರರನ್ನು ಹೊಂದಿರುವ ಒನ್ ಇಂಡಿಯಾ, ಭಾರತದಲ್ಲಿ ಐದರಲ್ಲಿ ಒಬ್ಬ ಇಂಟರ್ ನೆಟ್ ಬಳಕೆದಾರನನ್ನು ಸಂಪರ್ಕಿಸುತ್ತದೆ. ಅಂದರೆ ದೇಶದ ಜನಸಂಖ್ಯೆಯಲ್ಲಿ ಸುಮಾರು 25%ರಷ್ಟು ಜನರನ್ನು ಒನ್ ಇಂಡಿಯಾ ತಲುಪುತ್ತಿದೆ. ಒನ್ ಇಂಡಿಯಾ ತನ್ನ ದಕ್ಷತೆಯಿಂದ ರಾಷ್ಟ್ರದಾದ್ಯಂತ ವೈವಿಧ್ಯಮಯ ಪ್ರೇಕ್ಷಕರನ್ನು ಹೊಂದಿದೆ.ವಿಶಿಷ್ಟವಾಗಿ ರೂಪಾಂತರಗೊಂಡ ಒನ್ ಇಂಡಿಯಾಮರುವಿನ್ಯಾಸಗೊಳಿಸಲಾದ ಒನ್ ಇಂಡಿಯಾ ಲೋಗೋವನ್ನು ಬಹಳ ವಿಶಿಷ್ಟವಾಗಿ ರಚಿಸಲಾಗಿದ್ದು, ಪ್ರೇಕ್ಷಕರ ಸೃತಿ ಪಟಲದಲ್ಲಿ ಸ್ಥಿರವಾಗಿರುವಂತೆ ವಿನ್ಯಾಸಗೊಳಿಸಲಾಗಿದೆ. ಹೊಸತನವನ್ನು ಅಳವಡಿಸಿಕೊಳ್ಳುವುದರ ಜೊತೆಗೆ ಸಮಗ್ರವಾಗಿ, ಮುಕ್ತವಾಗಿ, ಮೌಲ್ಯಯುತವಾಗಿ ಒನ್ ಇಂಡಿಯಾ ಇನ್ನಷ್ಟು ವಿಕಸನಗೊಳ್ಳಲಿದೆ.ಜೊತೆಗೆ ಓದುಗರ ಅಗತ್ಯತೆ, ಆಸಕ್ತಿಗಳನ್ನು ಪರಿಗಣಿಸಿ ಸೂಕ್ತವಾದ ವಿಷಯವನ್ನು ಒದಗಿಸುವ ಮೂಲಕ ಬಳಕೆದಾರರಿಗೆ ವಿಶೇಷ ಅನುಭವವನ್ನು ನೀಡಲಿದೆ. ಜೊತೆಗೆ ಮರುವಿನ್ಯಾಸಗೊಳಿಸಲಾದ ಒನ್ ಇಂಡಿಯಾ, ಬಳಕೆದಾರರು ಮತ್ತು ಜಾಹೀರಾತುದಾರರ ನಡುವೆ ಸಂಬಂಧವನ್ನು ಉತ್ತೇಜಿಸುವ ವೇದಿಕೆಯಾಗಿದೆ. ಈ ರೂಪಾಂತರ, ಒನ್ ಇಂಡಿಯಾದ ಮಹತ್ವದ ಮೈಲುಗಲ್ಲಾಗಿದ್ದು, ಸಕಾರಾತ್ಮಕ ಫಲಿತಾಂಶದ ನಿರೀಕ್ಷೆಯಲ್ಲಿದೆ.ವಿಶೇಷ ಪೋರ್ಟಲ್ ಗಳ ನೆಲೆ ಒನ್ ಇಂಡಿಯಾಒನ್ ಇಂಡಿಯಾ ವಿವಿಧ ವಿಶೇಷ ಪೋರ್ಟಲ್ ಗಳ ನೆಲೆಯಾಗಿದ್ದು, ಪ್ರತಿಯೊಂದು ಕೂಡ ಓದುಗರ ನಿರ್ದಿಷ್ಟ ಆಸಕ್ತಿಗಳನ್ನು ಪೂರೈಸುತ್ತದೆ. ಕೇವಲ ನ್ಯೂಸ್ ಮಾತ್ರವಲ್ಲದೇ ಬಳಕೆದಾರನಿಗೆ ಈ ಕೆಳಗಿನ ಪೋರ್ಟಲ್ ಗಳು ಪ್ರೇಕ್ಷಕರ ಆಯ್ಕೆಗೆ ತಕ್ಕಂತೆ ವಿನ್ಯಾಸಗೊಳಿಸಲಾಗಿದೆ.ಫಿಲ್ಮಿಬೀಟ್ (FilmiBeat)- ಸಿನಿಮಾ, ಮನರಂಜನೆ ಡ್ರೈವ್ ಸ್ಪಾರ್ಕ್ (DriveSpark)- ಆಟೋಮೋಟಿವ್ ಗುಡ್ ರಿಟರ್ನ್ಸ್ (GoodReturns) - ಹಣಕಾಸು ಮೈಕೆಲ್ (MyKhel)- ಕ್ರೀಡೆ ಗಿಜ್ ಬಾಟ್ (GizBot)- ತಂತ್ರಜ್ಞಾನ ನೇಟಿವ್ ಪ್ಲಾನೆಟ್ (NativeP lanet)- ಪ್ರವಾಸ ಬೋಲ್ಡ್ ಸ್ಕೈ (BoldSky)-ಜೀವನಶೈಲಿ ಕೆರಿಯರ್ ಇಂಡಿಯಾ ( CareerIndia)-ಶಿಕ್ಷಣ ಹಿಟ್ಸ್ ಫೀಡ್ (HitzFeed)- ವೈರಲ್ ಸುದ್ದಿಗಳು