ಬೆಂಗಳೂರಿನಿಂದ ಕೇವಲ 60 ಕಿ.ಮೀ.ನಷ್ಟು ದೂರದಲ್ಲಿ ಸುಂದರ ತಾಣ ನಂದಿ ಬೆಟ್ಟವು ಸಮುದ್ರ ಮಟ್ಟದಿಂದ ಅಂದಾಜು 4851 ಅಡಿಗಳಷ್ಟು ಎತ್ತರದಲ್ಲಿದೆ. ಈ ಬೆಟ್ಟವು ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿದೆ. ಅತ್ಯಾಧುನಿಕ ಬೆಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಸಮೀಪದಲ್ಲಿರುವುದರಿಂದ ಸುಲಭವಾಗಿ ತಲುಪಬಲ್ಲಬಹುದಾಗಿದ್ದರಿಂದ ಅನೇಕ ವಿದೇಶಿ ಪ್ರವಾಸಿಗರನ್ನು ಆಕರ್ಷಿಸುತ್ತಿದೆ. ನಂದಿ ಬೆಟ್ಟ ಪ್ರವಾಸ ಅವಿಸ್ಮರಣೀಯ ನೆನಪುಗಳನ್ನು ಪ್ರವಾಸಿಗರ ಜೀವನದಲ್ಲಿ ಉಳಿಸುತ್ತದೆ.
ಮಹತ್ವದ ಐತಿಹಾಸಿಕ ಹಿನ್ನೆಲೆ
ನಂದಿ ಬೆಟ್ಟವು ಕುತೂಹಲಕರ ಇತಿಹಾಸ ಹಿನ್ನೆಲೆಯನ್ನು ಹೊಂದಿದೆ. ನಂದಿ ಬೆಟ್ಟದ ಹಿನ್ನೆಲೆಯು ಹಲವಾರು ಕತೆಗಳನ್ನು ಹೊಂದಿದೆ. ಕೆಲವರು ಬೆಟ್ಟವು ಮಲಗಿರುವ ನಂದಿಯ ರೂಪದಲ್ಲಿರುವ ಕಾರಣ ಈ ಹೆಸರು ಬಂದಿರುವುದೆಂದು ಹೇಳುತ್ತಾರೆ. ಪೌರಾಣಿಕ ಹಿನ್ನೆಲೆ ಪ್ರಕಾರ ಈ ಬೆಟ್ಟವು ಚೋಳರ ಆಳ್ವಿಕೆಯ ಸಮಯದಲ್ಲಿ ಆನಂದಗಿರಿ ಎಂಬುದಾಗಿ ಹೆಸರಾಗಿತ್ತು. ಈ ಬೆಟ್ಟದಲ್ಲಿರುವ ದೇವಾಲಯವು ಚೋಳರ ಆಳ್ವಿಕೆಯ ಸಮಯದಲ್ಲಿದ್ದ ಸುಂದರ ವಾಸ್ತುಶೈಲಿಯನ್ನು ಹೊಂದಿದೆ.
ನಂದಿ ಬೆಟ್ಟದಲ್ಲಿ ಬ್ರಿಟಿಷರ ವಿರುದ್ಧ ನಡೆದ ಭಾರತದ ಸ್ವತಂತ್ರ ಸಂಗ್ರಾಮದಲ್ಲಿನ ಕುರುಹೂ ಕೂಡ ಇಲ್ಲಿದೆ. ಟಿಪ್ಪು ಸುಲ್ತಾನ್ ಇಲ್ಲಿ ಕಟ್ಟಿರುವ ನಂದಿದುರ್ಗ ಎಂಬ ಅತ್ಯಂತ ಬಲಿಷ್ಠ ಕೋಟೆ ಇದೆ ಆದರೆ ಕೋಟೆಯನ್ನು 1791ರಲ್ಲಿ ಬ್ರಿಟಿಷರು ವಶಪಡಿಸಿಕೊಂಡಿದ್ದರು.