Click it and Unblock the Notifications
ಬಿಲ್-ಕಾಲೇಶ್ವರ ದೇವಸ್ಥಾನವು ನಾದೌನ್ನಲ್ಲಿರುವ, ನಾದೌನ್-ಸುಜನ್ಪುರ ರಸ್ತೆಯಲ್ಲಿದೆ. ಈ 400 ವರ್ಷ ಹಳೆಯದಾದ ದೇವಸ್ಥಾನವು ಹಿಂದೂ ದೇವರಾದ ಶಿವನಿಗೆ ಅರ್ಪಿತವಾಗಿದೆ. ಈ ದೇವಸ್ಥಾನವು ಪಾಂಡವರಿಂದ ನಿರ್ಮಿಸಲ್ಪಟ್ಟಿತು ಎಂದು ಹೇಳಲಾಗಿದೆ. ವಿಶ್ವಕರ್ಮರೂ ಕೂಡಾ ಈ ದೇವಸ್ಥಾನ ನಿರ್ಮಾಣದಲ್ಲಿ ಸಹಾಯ ಮಾಡಿದರು ಎನ್ನಲಾಗಿದೆ. ವಿಸ್ಮಯವೆಂದರೆ ಈ ದೇವಸ್ಥಾನದ ನಿರ್ಮಾಣ ಕಾರ್ಯ ನಡೆದಿದ್ದು ರಾತ್ರಿಯ ಸಮಯದಲ್ಲಂತೆ. ಆದರೆ, ಕೆಲವು ಸ್ಥಳೀಯರು ಇವರನ್ನು ಗಮನಿಸಿದ ಕಾರಣ ಪಾಂಡವರು ಈ ದೇವಸ್ಥಾನದ ನಿರ್ಮಾಣ ಪೂರ್ಣಗೊಳ್ಳುವ ಮೊದಲೇ ಸ್ಥಳವನ್ನು ಬಿಟ್ಟು ಹೊರಟು ಹೋಗಬೇಕಾಯಿತು. ನಂತರದಲ್ಲಿ ಈ ದೇವಸ್ಥಾನದ ನಿರ್ಮಾಣವನ್ನು ಕಟೋಚ್ ರಾಜ ಸಂಪೂರ್ಣಗೊಳಿಸಿದ ಎನ್ನಲಾಗುತ್ತದೆ.
ಮೇ ಮತ್ತು ಜೂನ್ ಅವಧಿಯಲ್ಲಿ ಹಬ್ಬವನ್ನು ಇಲ್ಲಿ ಆಯೋಜಿಸಲಾಗುತ್ತದೆ. ದೇಶಾದ್ಯಂತ ಇರುವ ಭಕ್ತರು ಈ ಹಬ್ಬದಲ್ಲಿ ಪಾಲ್ಗೊಳ್ಳಲು ಆಗಮಿಸುತ್ತಾರೆ ಮತ್ತು ಶಿವಲಿಂಗವನ್ನು ಆರಾಧಿಸುತ್ತಾರೆ. ಬಿಲ್-ಕಾಲೇಶ್ವರ ದೇವಸ್ಥಾನವು ಬಿಯಸ್ ನದಿ ಮತ್ತು ಕುನಾಹ್ ಖಂಡ್ನ ಸಮೀಪವಿರುವದರಿಂದ ಅತ್ಯಂತ ಪವಿತ್ರವಾಗಿದೆ. ಹರಿದ್ವಾರಕ್ಕೆ ಹೋಗಲಾರದ ಜನರು, ತಮ್ಮ ಪಾಪ ಕರ್ಮಾದಿಗಳನ್ನು ತೊಳೆದುಕೊಳ್ಳುವ ನಂಬಿಕೆಯಿಂದ ಇಲ್ಲಿಗೆ ಭೇಟಿ ನೀಡುತ್ತಾರೆ.
