Click it and Unblock the Notifications
ಬಿಟೀಷರು ಇಲ್ಲಿ 1836 ರಲ್ಲಿ ಕಟ್ಟಿದ ಕ್ರಿಸ್ತನ ಪ್ರಾರ್ಥನಾ ಸ್ಥಳ ಹಿಮಾಲಯ ಪ್ರದೇಶದಲ್ಲಿರುವ ಅತ್ಯಂತ ಹಳೆಯ ಚರ್ಚ್ ಆಗಿದೆ. 1906 ರಲ್ಲಿ ವೇಲ್ಸ್ ನ ರಾಣಿ (ನಂತರ ಈಕೆ ಇಂಗ್ಲೆಂಡಿನ ಮೇರಿ ರಾಣಿಯಾದಳು) ಈ ಚರ್ಚ್ ಗೆ ಭೇಟಿ ನೀಡಿದ್ದಳು. ಆ ಭೇಟಿಯ ವೇಳೆ ರಾಣಿ ನೆಟ್ಟಿದ್ದ ದೇವದಾರುವಿನ ಗಿಡ ಈಗಲೂ ಇಲ್ಲಿ ಮರವಾಗಿ ಇದೆ.
ಈ ಚರ್ಚನ್ನು ಗೋಥಿಕ್ ವಾಸ್ತುಶಿಲ್ಪದ ಮಾದರಿಯಲ್ಲಿ ಕಟ್ಟಲಾಗಿದ್ದು, ಜೀಸಸ್ ನ ಜೀವನವನ್ನು ವಿವರಿಸುವ ವರ್ಣಚಿತ್ರಿತ ಗಾಜುಗಳನ್ನು ಕಾಣಬಹುದು. ಇಲ್ಲಿನ ಪೂಜಾ ಸ್ಥಳ ಜೀಸಸ್ ನನ್ನು ಶಿಲುಬೆಗೇರಿಸಿದ ಚಿತ್ರಣವನ್ನು ನಮ್ಮ ಮುಂದಿಡುತ್ತದೆ. ಈ ಚರ್ಚಿನ ಒಳಗೆ ಕಣ್ಣು ಸೆಳೆಯುವ ಕೆತ್ತನೆಗಳಿವೆ. ಇಲ್ಲಿ ಪ್ರತಿ ವರ್ಷ ಸಾವಿರಾರು ಸಂಖ್ಯೆಯಲ್ಲಿ ಭಕ್ತರು ಭೇಟಿ ನೀಡುತ್ತಾರೆ. ಇಲ್ಲಿ ನೂರು ವರ್ಷ ಹಲೆಯದಾದ ವಿಲಿಯಮ್ ಹಿಲ್ ಆರ್ಗನ್ ಇದ್ದು ಇದು ಐತಿಹಾಸಿಕ ಮಹತ್ವವನ್ನು ಪಡೆಯುತ್ತದೆ.
