Click it and Unblock the Notifications
ಪೆಯೊರ ಎಂಬುದು ಮುಕ್ತೇಶ್ವರದಲ್ಲಿರುವ ಪ್ರಸಿದ್ಧ ಜೈವಿಕ ಪ್ರವಾಸೋದ್ಯಮ ತಾಣವಾಗಿದೆ. ಇದು ಕೊಸ್ಯಕುಟೊಲಿ ತಾಲ್ಲೂಕಿನಲ್ಲಿದೆ. ಇದು ಮುಕ್ತೇಶ್ವರದಿಂದ 8 ಕಿ.ಮೀ ದೂರದಲ್ಲಿದೆ. ಇದು ಸಮುದ್ರ ಮಟ್ಟದಿಂದ 6600 ಅಡಿ ಎತ್ತರದಲ್ಲಿ ನೆಲೆಗೊಂಡಿದೆ. ಈ ಸ್ಥಳವು "ಉತ್ತರ್ ಖಂಡ್ ರಾಜ್ಯದ ಹಣ್ಣಿನ ಕಣಜ" ಎಂದು ಖ್ಯಾತಿ ಪಡೆದಿದೆ. ಇದು ಸಹ ಹಿಮಾಲಯದ ಪರ್ವತ ಶ್ರೇಣಿಗಳ ಅದ್ಭುತ ನೋಟವನ್ನು ಒದಗಿಸುತ್ತದೆ.
ಹಚ್ಚ ಹಸಿರಾದ ಸಾಲ್, ಪೈನ್, ಓಕ್, ಬುರುನ್ಸ್, ಕಪಃಲ್ ಮತ್ತು ರೋಡೊಡೆಂಡ್ರನ್ ಮರಗಳಿಂದ ಈ ಪ್ರದೇಶವು ಆವೃತವಾಗಿದೆ. ದಟ್ಟ ಅರಣ್ಯಗಳು ಚಿರತೆಗಳು, ಕಾಡು ಬೆಕ್ಕು, ಬೊಗಳುವ ಜಿಂಕೆ, ಭಾರತೀಯ ಕಪ್ಪು ಜಿಂಕೆ ಮತ್ತು ವಿವಿಧ ಪಕ್ಷಿಗಳಿಗೆ ನೈಸರ್ಗಿಕ ಆಶ್ರಯ ತಾಣವಾಗಿ ಸೇವೆ ಸಲ್ಲಿಸುತ್ತಿದೆ. ಇದರ ಜೊತೆಗೆ ಇಲ್ಲಿ ಹರಿಯುವ ಪ್ರಾಕೃತಿಕ ಝರಿಗಳು ಈ ಪ್ರಾಂತ್ಯದಲ್ಲಿನ ವಿಪುಲ ಖನಿಜಗಳ ಖನಿಯಾಗಿವೆ. ಪ್ರವಾಸಿಗರು ಇಲ್ಲಿ ಪಕ್ಷಿ ವೀಕ್ಷಣೆ, ಕ್ರೀಡೆಗಳ ವೀಕ್ಷಣೆ ಮತ್ತು ಚಾರಣದಲ್ಲಿ ಕಾಲ ಕಳೆಯಬಹುದು.
