ಗುರು ಶಿಖರ್ ಶೃಂಗವು ಅರಾವಳಿ ಪ್ರಾಂತ್ಯದಲ್ಲಿರುವ ಉನ್ನತ ಶೃಂಗವಾಗಿದೆ. ಮೌಂಟ್ ಅಬುವಿನಿಂದ 15 ಕಿ.ಮೀ ದೂರದಲ್ಲಿರುವ ಈ ಶೃಂಗವು, ಸಮುದ್ರ ಮಟ್ಟದಿಂದ 1722 ಮೀಟರ್ ಎತ್ತರದಲ್ಲಿ ನೆಲೆಗೊಂಡಿದೆ. ಈ ಶೃಂಗವು ಚಾರಣಕ್ಕಾಗಿ ಪ್ರಸಿದ್ಧಿ ಪಡೆದಿದ್ದು, ಪ್ರವಾಸಿಗರು ಇಲ್ಲಿಗೆ ಆ ಕಾರಣವಾಗಿಯೆ ಆಗಮಿಸುತ್ತಿರುತ್ತಾರೆ. ಇದಲ್ಲದೆ ಪ್ರವಾಸಿಗರು ಈ ಬೆಟ್ಟದ ತುದಿಯಿಂದ ಸಂಪೂರ್ಣವಾದ ಅರಾವಳಿ ಪ್ರಾಂತ್ಯದ ಪಕ್ಷಿನೋಟವನ್ನು ಕಾಣಬಹುದಾಗಿದೆ. ಈ ಗಿರಿ ಶೃಂಗದ ಮೇಲೆ ಪ್ರಾಚೀನವಾದ ಗುರು ದತ್ತಾತ್ರೇಯ ದೇವಾಲಯವನ್ನು ಕಾಣಬಹುದಾಗಿದೆ. ಈ ದೇವಾಲಯವನ್ನು ತ್ರಿಮೂರ್ತಿಗಳಾದ ಬ್ರಹ್ಮ, ವಿಷ್ಣು ಮತ್ತು ಮಹೇಶ್ವರರ ಅವತಾರವೆಂದು ಭಾವಿಸಲಾಗಿರುವ ಗುರು ದತ್ತಾತ್ರೇಯರಿಗಾಗಿ ನಿರ್ಮಿಸಲಾಗಿದೆ. ಈ ಬೆಟ್ಟದ ಮೇಲೆ ಶಿವನ ದೇವಾಲಯ , ಮೀರಾ ದೇವಾಲಯ ಮತ್ತು ಚಾಮುಂಡಿ ದೇವಾಲಯಗಳನ್ನು ಕಾಣಬಹುದು. ಇದರೊಂದಿಗೆ ಈ ಬೆಟ್ಟವು ಮೌಂಟ್ ಅಬು ವೀಕ್ಷಣಾಲಯವನ್ನು ಹೊಂದಿದೆ. ಇದು ಭೂನೆಲೆಯಲ್ಲಿ ಸ್ಥಾಪಿತಗೊಂಡಿರುವ ಇನ್ಫ್ರಾರೆಡ್ ಅಂತರಿಕ್ಷ ವೀಕ್ಷಣಾ ಕೇಂದ್ರವಾಗಿದೆ. ಈ ವೀಕ್ಷಣಾಲಯವು ಭೌತಿಕ ಸಂಶೋಧನಾ ಪ್ರಯೋಗಾಲಯ ದ {Physical Research Laboratory (PRL)} ಆಡಳಿತಕ್ಕೆ ಒಳಪಟ್ಟಿದೆ.