ಮೌಂಟ್ ಅಬುವಿನ ಪ್ರಮುಖ ಧಾರ್ಮಿಕ ಸ್ಥಳಗಳಲ್ಲಿ ಒಂದಾದ ದೂಧ್ ಬಾವ್ರಿ ಎಂಬುದು ಒಂದು ಪವಿತ್ರ ಬಾವಿಯಾಗಿದ್ದು, ಆಧಾರ್ ದೇವಿ ದೇವಾಲಯದ ಕೆಳಭಾಗದಲ್ಲಿ ನೆಲೆಸಿದೆ.
’ದೂಧ್ ಬಾವ್ರಿ’ ಎಂಬ ಹೆಸರು ಬರಲು ಕಾರಣವೇನೆಂದರೆ, ಈ ಬಾವಿಯಲ್ಲಿರುವ ನೀರು ನೋಡಲು ಹಾಲಿನಂತೆಯೇ ಕಾಣುತ್ತದೆ. ಈ ಬಾವಿಯಲ್ಲಿರುವ ನೀರಿನ ಬಣ್ಣದ ಕುರಿತಾಗಿ ಹಲವಾರು ದಂತಕಥೆಗಳು ಚಾಲ್ತಿಯಲ್ಲಿವೆ. ಅವುಗಳಲ್ಲಿ ಒಂದು ದಂತಕಥೆಯ ಪ್ರಕಾರ ಈ ಬಾವಿಯು ದೇವಾನುದೇವತೆಗಳ ಹಾಲಿನ ಪ್ರಮುಖ ಮೂಲವಂತೆ. ಇಲ್ಲಿನ ಸ್ಥಳೀಯ ನಿವಾಸಿಗಳು ಈ ಬಾವಿಯ ನೀರನ್ನು ಪವಿತ್ರವೆಂದು ಪರಿಗಣಿಸಿದ್ದಾರೆ. ಅವರ ನಂಬಿಕೆಗಳ ಪ್ರಕಾರ ಈ ಬಾವಿಯ ನೀರು ಮಾಂತ್ರಿಕ ಶಕ್ತಿಯನ್ನು ಹೊಂದಿದೆಯಂತೆ. ಹಲವಾರು ಭಕ್ತಾಧಿಗಳು ಈ ಬಾವಿಯನ್ನು ಗೋ ಮಾತೆಯಾದ ಕಾಮಧೇನುವಿನ ಸಂಕೇತವೆಂದು ಪರಿಗಣಿಸುತ್ತಾರೆ.