Click it and Unblock the Notifications
ಮಂದಿರಗಳನ್ನು ಹೊರತುಪಡಿಸಿ ಮಥುರಾ ನಗರವು ವಿಸ್ತಾರವಾದ ಘಾಟ್ ಗಳಿಗೆ ಪ್ರಸಿದ್ಧವಾಗಿದೆ. ಈ ನಗರ ಯಮುನಾ ನದಿಯ ಉದ್ದಕ್ಕೂ ವಿಸ್ತರಿಸಿಕೊಂಡಿದೆ. ಉದ್ದನೆಯ ಕಲ್ಲಿನ ಮೆಟ್ಟಿಲುಗಳನ್ನು ಹೊಂದಿರುವ ಈ ಘಾಟ್ ಗಂಗಾ ನದಿಯನ್ನು ತಲುಪುತ್ತದೆ. ಹಿಂದೂಗಳ ನಂಬಿಕೆಯ ಪ್ರಕಾರ, ಗಂಗೆಯಲ್ಲಿ ಮಿಂದು ಏಳುವುದು ಮನುಷ್ಯನ ಎಲ್ಲಾ ಪಾಪಗಳನ್ನು ತೊಳೆದುಕೊಂಡು ನಿರ್ಮಲವಾದಂತೆ.
ಈ ಘಾಟ್ ಗಳು ಎಲ್ಲಾ ಧಾರ್ಮಿಕ ಆಚರಣೆಗಳು ಮತ್ತು ಇತರ ಚಟುವಟಿಕೆಗಳ ಕೇಂದ್ರ ಬಿಂದುವಾಗಿದೆ. ಯಾವುದೇ ಘಾಟ್ ಗೆ ಭೇಟಿ ನೀಡಿದರೂ ಸಾಕಷ್ಟು ಸಂಖ್ಯೆಯಲ್ಲಿ ಯಾತ್ರಾರ್ಥಿಗಳು ಪವಿತ್ರ ನದಿಯಲ್ಲಿ ಮಿಂದೇಳುವ ದೃಶ್ಯ ಕಂಡುಬರುತ್ತದೆ. ಮುಂಜಾನೆ ಹಾಗು ಸಂಜೆಯ ಹೊತ್ತು ವಿಶೇಷವಾದ ಆರತಿಯನ್ನು ಮಾಡುತ್ತಾರೆ. ಈ ಘಟ್ಟಗಳಲ್ಲಿ ಕೆಲವು ಆಶ್ರಮ, ಮಂದಿರ, ಗುಡಿಗಳನ್ನು ಕಾಣುತ್ತೇವೆ. ಇಲ್ಲಿರುವ 25 ಘಾಟ್ ಗಳಲ್ಲಿ ವಿಶ್ರಾಮ್ ಘಾಟ್ ಅತ್ಯಂತ ಪ್ರಸಿದ್ಧವಾದದ್ದು. ಏಕೆಂದರೆ, ಇದೇ ಸ್ಥಳದಲ್ಲಿ ಶ್ರೀಕೃಷ್ಣನು ತನ್ನ ಸೋದರಮಾವನಾದ ಕಂಸನನ್ನು ಸದೆಬಡಿದು ಬಂದು ಕೆಲಹೊತ್ತು ವಿಶ್ರಮಿಸಿಕೊಂಡ ಎಂಬ ನಂಬಿಕೆ ಇದೆ.
