Click it and Unblock the Notifications
ಹರಿಶ್ಚಂದ್ರಘಡ್ ಕೋಟೆಯು ಮಲ್ಶೆಜ್ ಘಾಟ್ನಲ್ಲಿರುವ ಒಂದು ಐತಿಹಾಸಿಕ ಸ್ಮಾರಕವಾಗಿದೆ. ಇದರ ಇತಿಹಾಸವು ನಮ್ಮನ್ನು ಸುಮಾರು 6 ನೇ ಶತಮಾನದಷ್ಟು ಹಿಂದಕ್ಕೆ ಕೊಂಡೊಯ್ಯುತ್ತದೆ. ಸಮುದ್ರ ಮಟ್ಟದಿಂದ 1424 ಅಡಿ ಎತ್ತರದಲ್ಲಿರುವ ಈ ಸ್ಥಳವು ಸಾಹಸ ಪ್ರಿಯರಿಗೆ ಅತ್ಯುತ್ತಮ ಚಾರಣದ ಅವಕಾಶವನ್ನು ಒದಗಿಸುತ್ತದೆ. ನೇರವಾಗಿ ನಿಂತಿರುವ ಬೆಟ್ಟವು ಚಾರಣಿಗರಿಗೆ ಮತ್ತು ಶಿಖರಾರೋಹಣ ಮಾಡುವವರಿಗೆ ಸವಾಲೆಸೆಯುವಂತೆ ಮಾಡುತ್ತದೆ.
ಹರಿಶ್ಚಂದ್ರಘಡ್ ಶಿಖರವು ಇಲ್ಲಿಗೆ ಸಮೀಪದ ಪ್ರಮುಖ ಪ್ರವಾಸಿ ಆಕರ್ಷಣೆಯಾಗಿದೆ. ನೀವು ಇಲ್ಲಿಗೆ ಬಂದಾಗ ಒಂದು ನಾಣ್ಯವನ್ನು ಎಸೆಯಲು ಪ್ರಯತ್ನಿಸಿ. ಇಲ್ಲಿರುವ ಅರ್ಧ ವೃತ್ತಾಕಾರದ ಬಂಡೆಗಳ ಪ್ರಭಾವದಿಂದಾಗಿ ಹಾಗು ವಾತಾವರಣದ ಒತ್ತಡದ ಪರಿಣಾಮವಾಗಿ ನಾಣ್ಯವು ಗುರುತ್ವಾಕರ್ಷಣೆಯನ್ನು ಪ್ರತಿಭಟಿಸಿ ಮೇಲ್ಮುಖವಾಗಿ ಚಿಮ್ಮುತ್ತದೆ.
ಈ ಕೋಟೆಯು ಕಲಚೂರಿ ಮಹಾರಾಜರ ಕಾಲದಲ್ಲಿ ನಿರ್ಮಾಣವಾಯಿತೆಂದು ನಂಬಲಾಗಿದೆ. ಈ ಕೋಟೆಯ ಆವರಣದ ಒಳಗಡೆ ಒಂದು ಸುಂದರವಾದ ವಿಷ್ಣುವಿನ ದೇವಾಲಯವನ್ನು ನಾವು ಕಾಣಬಹುದು. ಇಲ್ಲಿಗೆ ಸಮೀಪದಲ್ಲಿ ಹಳೆಯ ಬೌದ್ಧರ ಗುಹೆಗಳನ್ನು ಸಹ ನಾವು ಕಾಣಬಹುದು. ಇವು ಸಹ ಇಲ್ಲಿನ ಪ್ರಮುಖ ಆಕರ್ಷಣೆಗಳ ಪಟ್ಟಿಯಲ್ಲಿ ಸೇರಿವೆ.
