Click it and Unblock the Notifications
ಜನರಲ್ ಜೋರಾವರ್ ಕೋಟೆಯು ಲೇಹ್ ಪ್ಯಾಲೇಸ್ ಹಾಗೂ ನಮ್ಯಾಂಗಲ್ ಟೆಸ್ಮೋ ಗೊಂಪಾದ ಮೇಲ್ಭಾಗದಲ್ಲಿ ನೆಲೆಸಿದೆ. ಈ ಅತ್ಯಾಕರ್ಷಕ ಸ್ಮಾರಕವು ರಿಷಿ ಕೋಟೆ ಅಂತಲೂ ಜನಪ್ರಿಯವಾಗಿದೆ. ಜಮ್ಮುವಿನ ದೋಗ್ರಾ ಆಡಳಿತಶಾಹಿಗಳ ರಕ್ಷಣೆಗೆ ಒಂದು ಕಾಲದಲ್ಲಿ ಬದ್ಧವಾಗಿದ್ದ ಇದು ಇಂದು ಶಿಥಿಲಾವಸ್ತೆಯಲ್ಲಿದೆ.
ಹೋರಾಟಗಾರರಲ್ಲಿ ಪ್ರಮುಖರಾದ ಜನರಲ್ ಜೋರಾವರ್ ಸಿಂಗ್ ಸತತವಾಗಿ ಚೈನಾದ ದಾಳಿಯಿಂದ ಬೇಸತ್ತಿದ್ದರು. ಲಡಾಖ್ ಮೇಲೆ ಇವರ ದಾಳಿ ತಗ್ಗಿಸಲು ಈ ಕೋಟೆಯನ್ನು ನಿರ್ಮಿಸಿಕೊಂಡಿದ್ದ. ಪ್ರಸ್ತುತ ಕೋಟೆಯ ಅಂದದ ಜತೆಗೆ ಇಲ್ಲಿ ಸಂಗ್ರಹಿಸಿ ಇಡಲಾಗಿರುವ ಅತಿ ಹೇರಳ ಪ್ರಮಾಣದ ನಾಣ್ಯಗಳು ಹಾಗೂ ಸ್ಟ್ಯಾಂಪ್ಗಳ ಸಂಗ್ರಹ ನೋಡುಗರನ್ನು ಸೆಳೆಯುತ್ತದೆ. ಕೋಟೆ ಚೆನಾಬ್ ನದಿಗೆ ಸಮೀಪದಲ್ಲಿದೆ. ಪ್ರಾಚ್ಯವಸ್ತು ಶಾಸ್ತ್ರ, ಪುರಾತನ ಸಂಸ್ಕೃತಿ, ಕಲಾ ಶ್ರೀಮಂತಿಕೆಯನ್ನು ಇಷ್ಟಪಡುವವರು ಈ ಕೋಟೆಯತ್ತ ಬಹುವಾಗಿ ಆಕರ್ಷಿತರಾಗುತ್ತಾರೆ. ಕೋಟೆಯ ಒಳಗೊಂದು ಮಸೀದಿ ಇದೆ. ನೈಸರ್ಗಿಕ ತೊರೆ, ಹಿಂದು ದೇವತೆ ಕಾಳಿ ಹಾಗೂ ದುರ್ಗೆಗೆ ಮೀಸಲಾದ ದೇವಾಲಯಗಳು ಇಲ್ಲಿವೆ.
ಈ ತಾಣವನ್ನು ತಲುಪುವ ವಿಷಯ ಬಂದಾಗ, ಕೋಟೆಯ ಬಾಗಿಲವರೆಗೆ ಪ್ರವಾಸಿಗರು ತಮ್ಮ ವಾಹನ ಕೊಂಡೊಯ್ಯಬಹುದು. ಇಲ್ಲವೇ ಲೇಹ್ ನಗರ ಬಜಾರ್ ಮೂಲಕ ಸಾಗಿ ಟ್ರೆಕ್ಕಿಂಗ್ ಮೂಲಕವೂ ತಲುಪಬಹುದಾಗಿದೆ. ಅತಿ ಕಡಿಮೆ ಅಂತರದ ನಡಿಗೆಯಿಂದ ಕೋಟೆಯನ್ನು ತಲುಪಬಹುದು.
