ಲುಡು ಜಲಪಾತವು ಫುಲ್ಬನಿಯಿಂದ 165 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಇದು ಕೊಟಗಡ್ ವನ್ಯಧಾಮದಲ್ಲಿ ನೆಲೆಗೊಂಡಿದೆ. ದಟ್ಟವಾದ ಹಸಿರು ಕಾನನದ ನಡುವೆ ಹಲವಾರು ಸಣ್ಣ ಜಲಪಾತಗಳ ಜೊತೆಗೆ, ಬೆಟ್ಟದ ಮೇಲಿನಿಂದ ಧುಮ್ಮಿಕ್ಕುವ ಈ ಭವ್ಯವಾದ ಜಲಪಾತವು ನೋಡುಗರಿಗೆ ಅದ್ಭುತವೆಂದರೆ ಏನು ಎಂಬುದರ ಪರಿಚಯ ಮಾಡಿಕೊಡುತ್ತದೆ. ಲುಡು ಜಲಪಾತಕ್ಕೆ ಸಾಗುವ ಹಾದಿಯು, ಉಬ್ಬು-ತಗ್ಗುಗಳಿಂದ ಕೂಡಿದ್ದು, ಪ್ರವಾಸಿಗರಿಗೆ ಆಯಾಸವನ್ನುಂಟು ಮಾಡುತ್ತದೆ. ಆದರೆ ಈ ಆಯಾಸವನ್ನು ಮರೆತು ಹೋಗುವಂತಹ ಅನುಭವವನ್ನು ಈ ಜಲಪಾತದ ಸೌಂದರ್ಯವು ನೀಡುತ್ತದೆ.
ಸಾಲ್ ಮರಗಳಿಂದ ಸುತ್ತುವರೆದಿರುವ ಈ ಜಲಪಾತವು ಕೊಟಗಡ್ ವನ್ಯಧಾಮದಲ್ಲಿ ನೆಲೆಗೊಂಡಿದೆ. ಇಲ್ಲಿನ ಸ್ಥಳೀಯ ಬುಡಕಟ್ಟು ಜನರು ತಮ್ಮ ಗುಡಿಸಲುಗಳಲ್ಲಿ ಈ ಸ್ಥಳದಲ್ಲಿ ವಾಸಿಸುತ್ತಿದ್ದಾರೆ. ನಗರದ ಸದ್ದು- ಗದ್ದಲಗಳಿಂದ ದೂರವಿರುವ ಈ ಜಲಪಾತವು ಮೈ-ಮನಗಳಿಗೆ ಶಾಂತಿಯನ್ನು ಮತ್ತು ವಿಶ್ರಾಂತಿಯನ್ನು ನೀಡುತ್ತವೆ. ಯಾವ ಪ್ರವಾಸಿಗರೇ ಆಗಲಿ ಇಲ್ಲಿಗೆ ಆಗಮಿಸಿದ ನಂತರ ಮೂಕ ವಿಸ್ಮಿತಗೊಂಡು ಪ್ರಕೃತಿ ವೈಭವವನ್ನು ವೀಕ್ಷಿಸುತ್ತ ಮೈ ಮರೆಯುತ್ತಾರೆ. ಇದು ಇಲ್ಲಿನ ನೋಡಲೆ ಬೇಕಾದ ಆಕರ್ಷಣೆಯಾಗಿದೆ.