ಮೋಹನ್ ಗಿರಿಯು ಕಲಾಹಂಡಿಯ ಒಂದು ಪುರಾತನ, ವಿಶಿಷ್ಟ ಆಕರ್ಷಣೆಯುಳ್ಳ ಗ್ರಾಮವಾಗಿದ್ದು, ಇದು ಶಿವ ದೇವಸ್ಥಾನಕ್ಕೆ ಹೆಸರುವಾಸಿಯಾದ ಪ್ರವಾಸೀ ಆಕರ್ಷಣೆಗಳ ಪೈಕಿ ಒಂದಾಗಿದೆ. ಕಾಳಿ ಗಂಗಾ ಎಂದು ಕರೆಯಲ್ಪಡುವ ಪ್ರವಾಹವೊಂದು ಈ ಗ್ರಾಮಕ್ಕೆ ಸನಿಹದಲ್ಲಿ ಹರಿಯುತ್ತದೆ. ಈ ತೊರೆಯ ದಡದ ಮೇಲೆ ಪುರಾತನ ಶಿವ ದೇವಸ್ಥಾನದ ಅವಶೇಷವಿದ್ದು,ಇದರೊಂದಿಗೆ 17 ಖಂಬಗಳುಳ್ಳ ಜಗಮೋಹನ್ ಹಾಲ್ ಕೂಡ ಇದೆ. ಈ ದೇವಸ್ಥಾನದ ಜೀರ್ಣೋದ್ಧಾರವಾಗಿದ್ದರೂ ಕೂಡ, ಕ್ರಿ. ಶ. 600 ನೆಯ ಶತಮಾನದ ಅವಶೇಷಗಳನ್ನು ಈಗಲೂ ಸಹ ದೇವಸ್ಥಾನದಲ್ಲಿ ಕಾಣಬಹುದು.
ದೇವಸ್ಥಾನದ ಕಲ್ಲು ಗೋಡೆಗಳ ಮೇಲಿರುವ ಅನೇಕ ಕಲಾತ್ಮಕ ಕೆತ್ತನೆಗಳೊಂದಿಗೆ, ಈ ಶಿಥಿಲವಾದ ಪುರಾತನ ದೇವಸ್ಥಾನದ ಬೃಹತ್ ಕಲ್ಲು ಬಂಡೆಗಳು, ಈ ದೇವಸ್ಥಾನವನ್ನು ಸಂದರ್ಶನೀಯವನ್ನಾಗಿ ಮಾಡುತ್ತವೆ. ಈ ದೇವಸ್ಥಾನದೊಂದಿಗೆ ಸುಂದರವಾದ ಶಿವ ಲಿಂಗವೊಂದನ್ನೂ ಸಹ ಕಂಡುಕೊಳ್ಳಲಾಗಿದ್ದು, ಇದನ್ನು ನಿತ್ಯ ಪೂಜೆಗಾಗಿ ಗುಡಿವೊಂದರಲ್ಲಿ ವಿಧಿವತ್ತಾಗಿ ಪ್ರತಿಷ್ಟಾಪಿಸಲಾಗಿದೆ. ಈ ದೇವಸ್ಥಾನವು ಪುರಾತನ ಕಾಲದ ವೈಭವ ಮತ್ತು ಆಧುನಿಕತೆಯ ಅಪೂರ್ವ ಸಂಗಮವಾಗಿದೆ.