ತಾಝಿಯ ಗೋಪುರವೆಂಬುದು ಜೈಸಲ್ಮೇರ್ ನಗರದ ಬಾದಲ್ ಅರಮನೆ ಸಂಕೀರ್ಣಕ್ಕೆ ಸಮೀಪದಲ್ಲಿರುವ ಐದು ಅಂತಸ್ತುಗಳ ಒಂದು ಕಟ್ಟಡವಾಗಿದೆ. ಈ ಸ್ಮಾರಕವನ್ನು ಮುಸ್ಲಿಂ ಕಲಾವಿದರು ನಿರ್ಮಿಸಿ ನಂತರ ರಾಜ ಮಹರವಾಲ್ ಬೆರಿಸಲ್ ಸಿಂಗ್ ರಿಗೆ ಉಡುಗೊರೆಯಾಗಿ ನೀಡಿದರು. ಈ ಕಟ್ಟಡದ ವಾಸ್ತು ಶಿಲ್ಪಕಲೆಯು “ ತಾಝಿಯ” ಎಂಬ ಕಲೆಯನ್ನು ಹೋಲುತ್ತದೆ. ತಾಝಿಯ ಎಂದರೆ ಮರದ, ಬೊಂಬಿನ ಅಥವ ಕಾಗದದ ಪ್ರತಿಕೃತಿ ಎಂದರ್ಥವಾಗಿದೆ. ಇದರ ಮೂಲ ಕರ್ಬಲದಲ್ಲಿದ್ದು ಮೊಹರಂ ಹಬ್ಬದಲ್ಲಿ ಇಲ್ಲಿಗೆ ತರಲಾಗುತ್ತದೆ. ತಾಝಿಯ ಗೋಪುರವು ತನ್ನ ಸುಂದರವಾದ ವಿನ್ಯಾಸಗಳಿಗಾಗಿ, ಮಿನಾರುಗಳಿಗಾಗಿ ಮತ್ತು ರಜಪೂತರ ಮತ್ತು ಮೊಘಲರ ಸಂಮಿಶ್ರ ವಾಸ್ತುಕಲೆಗಾಗಿ ಖ್ಯಾತಿಯನ್ನು ಪಡೆದಿದೆ. ಈ ಸ್ಮಾರಕವು ಇಮಾಮರ ಸಮಾಧಿಯ ಪ್ರತಿಕೃತಿಯಂತೆ ಕಾಣುತ್ತದೆ. ಪ್ರವಾಸಿಗರು ಇಲ್ಲಿ ವಿನ್ಯಾಸ ಮತ್ತು ವಾಸ್ತುಕಲೆಗೆ ಸಂಬಂಧಿಸಿದಂತೆ ಪ್ರತಿ ಅಂತಸ್ತುಗಳಲ್ಲಿ ವಿಭಿನ್ನವಾದ ಮೊಗಸಾಲೆಗಳನ್ನು ಕಾಣಬಹುದು.