14ನೇ ಶತಮಾನದಲ್ಲಿ ರಾಜ ಮಹರ್ ವಾಲ್ ಗಡ್ಸಿಯಿಂದ ನಿರ್ಮಾಣಗೊಂಡ ಗಡ್ಸಿಸರ್ ಕೆರೆಯು ಒಂದು ಕೃತಕ ಕೆರೆಯಾಗಿದೆ. ಈ ಮಳೆ ನೀರು ಆಧಾರಿತ ಕೆರೆಯು ಆ ಕಾಲದಲ್ಲಿ ಇಲ್ಲಿನ ಪ್ರಮುಖ ನೀರಿನ ಮೂಲವಾಗಿತ್ತು. ಈ ಕೆರೆಯ ದಂಡೆಯ ಮೇಲೆ ಹಲವಾರು ಸಣ್ಣ ಸಣ್ಣ ದೇವಾಲಯಗಳು ಇವೆ. ಪ್ರವಾಸಿಗರು ಇಲ್ಲಿಗೆ ಭೇಟಿಕೊಟ್ಟಾಗ ಹಲವಾರು ವಲಸೆ ಹಕ್ಕಿಗಳನ್ನು ಕಾಣಬಹುದಾಗಿದೆ. ಈ ಪಕ್ಷಿಗಳು ಭರತ್ ಪುರ್ ಪಕ್ಷಿಧಾಮಕ್ಕೆ ಸಾಗುವ ಹಾದಿಯಲ್ಲಿ ವಿಶ್ರಾಂತಿಯನ್ನು ಪಡೆಯಲು ಇಲ್ಲಿಗೆ ಆಗಮಿಸುತ್ತವೆ.ಪ್ರವಾಸಿಗರು ಇಲ್ಲಿ ಕೆರೆಗೆ ಸಮೀಪವಿರುವ “ ಗೇಟ್ ಆಫ್ ಟಿಲ್ಲನ್” ಅನ್ನು ಸಹ ಕಾಣಬಹುದು. 1908ರಲ್ಲಿ ಪ್ರತಿಷ್ಟಾಪನೆಗೊಂಡ ಈ ದ್ವಾರವು ರಸ್ತೆಗೆ ಅಡ್ಡಲಾಗಿ ನಿರ್ಮಾಣಗೊಂಡಿದ್ದು, ಹಿಂದೂ ದೇವರಾದ ಮಹಾವಿಷ್ಣುವಿನ ಮೂರ್ತಿಯಿಂದ ಅಲಂಕಾರಗೊಂಡಿದೆ.