ಬಡಾ ಬಾಗ್ ಎಂಬುದು ವಿವಿಧ ಭಟ್ಟಿ ಆಡಳಿತಗಾರರಿಂದ ನಿರ್ಮಾಣಗೊಂಡ ಒಂದು ದೊಡ್ಡ ಉದ್ಯಾನವನವಾಗಿದ್ದು, ಇದರಲ್ಲಿ ರಾಜ ಪರಿವಾರದವರ ಸಮಾಧಿಗಳನ್ನು ಅಥವಾ ಛಾತ್ರಿಗಳನ್ನು ನಿರ್ಮಿಸಲಾಗಿದೆ. ರಾಜ ಮಹರವಾಲ್ ಜೈತ್ ಸಿಂಗ್ ನ ಸಮಾಧಿಯು ಇಲ್ಲಿರುವ ಸಮಾಧಿಗಳಲ್ಲಿಯೇ ಅತ್ಯಂತ ಹಳೆಯ ಸಮಾಧಿಯಾಗಿದೆ. ಈ ಸ್ಥಳವು ಜೈಸಲ್ಮೇರ್ ನಗರದಿಂದ 6 ಕಿ.ಮೀ ದೂರದಲ್ಲಿದೆ. ಪ್ರವಾಸಿಗರು ಈ ಉದ್ಯಾನವನದಲ್ಲಿ ಸಮಾಧಿಗಳ ಜೊತೆಗೆ ಜೈತ್ ಸರ್ ಕೆರೆ, ಜೈತ್ ಬಂದ್ ಜಲಾಶಯ ಮತ್ತು ಗೋವರ್ದನ್ ಸ್ತಂಭವನ್ನು ಕಾಣಬಹುದು. ಇಲ್ಲಿನ ಕೆರೆ ಮತ್ತು ಜಲಾಶಯಗಳನ್ನು ಕಟ್ಟಲು ಘನವಾದ ಕಲ್ಲುಗಳನ್ನು ಬಳಸಲಾಗಿದೆ. ಪ್ರವಾಸಿಗರು ಜೈಸಲ್ಮೇರ್ ನಗರದಿಂದ ಈ ಸ್ಥಳಕ್ಕೆ ರಿಕ್ಷಾ ಮತ್ತು ಬಾಡಿಗೆ ವಾಹನಗಳ ಮೂಲಕ ತಲುಪಬಹುದು.