Click it and Unblock the Notifications
ಅಸ್ಸಾಂನ ಏಕೈಕ ಬೆಟ್ಟ ಪ್ರದೇಶವಾಗಿರುವ ಹಫ್ಲೋಂಗ್ ಮನಸೂರೆಗೊಳ್ಳುವ ಮೋಹಕತೆಯಿಂದ ಕೂಡಿದೆ. ಸ್ವಿಟ್ಜರ್ ಲ್ಯಾಂಡ್ ನಲ್ಲಿರುವಂತೆ ಹಿಮಾವ್ರತವಾಗಿರದಿದ್ದರೂ ಕೂಡ ಪೂರ್ವದ ಸ್ವಿಟ್ಜರ್ ಲ್ಯಾಂಡ್ ಎಂದೇ ಪ್ರಖ್ಯಾತವಾಗಿದೆ. ಉತ್ತರ ಖಚಾರ್ ಜಿಲ್ಲೆಯ ಪ್ರಮುಖ ಸ್ಥಳವಾಗಿರುವ ಹಫ್ಲೊಂಗ್ ಬರಾಕ್ ಕಣಿವೆಗೆ ಹತ್ತಿರದಲ್ಲಿದೆ. ಹಫ್ಲೊಂಗ್ ಪ್ರವಾಸೋದ್ಯಮ ಕಳೆಗಟ್ಟುವುದು ಹತ್ತಿರದ ನಗರದ ಜನರು ಬೇಸಿಗೆಯ ದಿನಗಳನ್ನು ತಂಪಾಗಿ ಕಳೆಯುವುದರಿಂದ.
ಹಫ್ಲೊಂಗ್ ನಗರ ಪರ್ವತ ಪ್ರದೇಶಗಳಿಂದ ಆವೃತವಾಗಿದೆ. 512 ಆಲ್ಟಿಟ್ಯೂಡ್ ಹೊಂದಿರುವ ಹಫ್ಲೊಂಗ್ ತಂಪಾಗಿಯೂ ಮನಮೋಹಕವಾಗಿಯೂ ಆದರ್ಶಪ್ರಾಯವಾಗಿಯೂ ಇದೆ. ಬೋರ್ಘರೆದು ಹರಿಯುವ ಜಲಪಾತಗಳು, ತೊರೆಗಳು, ಸುತ್ತಲು ಆವರಿಸಿರುವ ಹಸಿರು ಪ್ರದೇಶಗಳು ಒಬ್ಬರ ಮನಸ್ಸಿನಲ್ಲಿ ಪಡಿಯಚ್ಚಾಗಿ ಉಳಿಯುತ್ತವೆ. ಹಫ್ಲೊಂಗ್ ನಗರಕ್ಕೆ ವೈಟ್ ಆ್ಯಂಟ್ ಹಿಲ್ಲಾಕ್ ಎಂಬ ಹೆಸರೂ ಇದೆ.
ಹಫ್ಲೊಂಗ್ ನ ಪ್ರವಾಸಿ ತಾಣಗಳು:
ಹಫ್ಲೊಂಗ್ ನಲ್ಲಿ ಸುಂದರ ಬೆಟ್ಟಗಳು ಮನಸ್ಸಿಗೆ ನಿರಾಳತೆಯನ್ನು ಕೊಡುತ್ತವೆ. ಹಫ್ಲೊಂಗ್ ಪ್ರವಾಸಕ್ಕೆ ಕಳೆ ತುಂಬುವ ಮತ್ತೊಂದು ಅಂಶವೆಂದರೆ ಹಫ್ಲೊಂಗ್ ಸರೋವರ. ಡಿಮಾಸ್ ಕಚಾರಿ ರಾಜವಂಶದ ಪುರಾತನ ರಾಜಧಾನಿ ಮೈಬಾಂಗ್ ಗೆ ಪ್ರವಾಸಿಗರು ಭೇಟಿ ನೀಡಬಹುದು.
ಪ್ರಶಸ್ತ ಸಮಯ:
ಹಫ್ಲೊಂಗ್ ಗೆ ಭೇಟಿ ನೀಡಲು ಬೇಸಿಗೆ ಪ್ರಶಸ್ತವಾದ ಸಮಯ. ಬೇಸಿಗೆಯಲ್ಲಿ ಅತಿಯಾದ ಉಷ್ಣಾಂಶವೂ ಇರುವುದಿಲ್ಲ, ಮಳೆಯೂ ಕಡಿಮೆ ಇರುತ್ತದೆ, ಹಫ್ಲೊಂಗ್ ನ ಸೌಂದರ್ಯ ಸವಿಯಲು ಆದರ್ಶಮಯ ಸಮಯ. ಉತ್ತರ ಕಚಾರ್ ಬೆಟ್ಟಶ್ರೇಣೀಗಳ ತಂಪಿನ ವಾತಾವರಣವನ್ನು ರಸಮಯವಾಗಿ ಸವಿಯಬಹುದು.
