ಗಂಗಾನದಿಯ ಪ್ರಮುಖ ಉಪನದಿ ಭಾಗೀರಥಿ ನದಿ. ಇದರ ಮೂಲ ಗೋಮುಖವಾಗಿದೆ. ಇದೊಂದು ಹಿಮಾಲಯದ ನದಿಯಾಗಿದೆ. ಭಾರತೀಯರ ಪಾಲಿಗೆ ಪವಿತ್ರ ನದಿ ಎನಿಸಿದೆ. ಈ ನದಿಗೆ ಹೆಸರು ಬಂದಿದ್ದು ಹಿಂದು ಪೌರಾಣಿಕ ರಾಜ ಭಗೀರಥನಿಂದ. ನಂಬಿಕೆಗಳ ಪ್ರಕಾರ, ಭಗೀರಥ ಮಹಾರಾಜನು, ಕಪೀಲ ಮಹರ್ಷಿಯ ಶಾಪಕ್ಕೊಳಗಾದ ತನ್ನ 60000 ಪೂರ್ವಿಕರನ್ನು ಮುಕ್ತಗೊಳಿಸಲು ಸ್ವರ್ಗದಿಂದ ಗಂಗೆಯನ್ನು ಕರೆತಂದನೆಂದು ಹೇಳಲಾಗುತ್ತದೆ. ಈ ನದಿಯ ಉಗಮ ಅಥವಾ ಮೂಲವು, ಸಮುದ್ರ ಮಟ್ಟದಿಂದ 3892 ಮೀಟರ್‌ ಎತ್ತರದಲ್ಲಿದೆ. ಈ ನದಿಯು ಸಾಕಷ್ಟು ಉಪನದಿಗಳನ್ನು ಒಳಗೊಂಡಿದೆ.