ರಾಜ್ ಮಹಲ್ ಫರೀದ್ಕೋಟ್ನ ಹೃದಯಭಾಗದಲ್ಲಿ ನೆಲೆಗೊಂಡಿದೆ. ಇದು ಮಹಾರಾಜ ಬಿಕ್ರಂ ಸಿಂಗ್ರವರ ಅವಧಿಯಲ್ಲಿ ಬಲ್ಬೀರ್ ಸಿಂಗ್ರವರ ಉಸ್ತುವಾರಿಯಲ್ಲಿ ನಿರ್ಮಾಣಗೊಂಡಿತು. ಫ್ರೆಂಚ್ ವಾಸ್ತುಶಿಲ್ಪ ಶೈಲಿಯಲ್ಲಿರುವ ಈ ಸುಂದರವಾದ ಕಟ್ಟಡವು ತನ್ನ ಗುಮ್ಮಟಗಳಿಂದ ಹಾಗು ಕನ್ನಡಿಯಲ್ಲಿ ಮಾಡಿದ ವಿನ್ಯಾಸಗಳಿಂದಾಗಿ ನೋಡುಗರ ಗಮನ ಸೆಳೆಯುತ್ತಿದೆ. ಹಿಂದೆ ಇದು ರಾಜ ಕುಟುಂಬದವರ ನಿವಾಸವಾಗಿತ್ತು. ಇಂದು ಇಲ್ಲಿ ಮಹಾರಾಜ ಬಿಕ್ರಂ ಸಿಂಗ್ರವರ ವಂಶಸ್ಥರು ವಾಸಿಸುತ್ತಿದ್ದಾರೆ.
15 ಎಕರೆ ವಿಸ್ತೀರ್ಣವನ್ನು ಹೊಂದಿರುವ ಈ ಮಹಲ್, ಸುಂದರವಾದ ಉದ್ಯಾನಗಳು ಮತ್ತು ಗೋಪುರಗಳಿಂದ ಆವೃತವಾಗಿದೆ. ಈ ಕಟ್ಟಡವು ನಯನ ಮನೋಹರವಾದ ವರ್ಣಚಿತ್ರಗಳಿಂದ ಅಲಂಕಾರಗೊಂಡಿದೆ. "ರಾಜ್ ದೆವ್ರಿ" ಎಂಬ ಪಾರಂಪರಿಕ ಕಟ್ಟಡವು ಇಲ್ಲಿನ ಪ್ರವೇಶ ದ್ವಾರದ ಬಳಿಯಲ್ಲಿ ನೆಲೆಗೊಂಡಿದೆ. ಇದರ ಒಳಗೆ ಒಂದು ಆಸ್ಪತ್ರೆ ಇದ್ದು, ಅದನ್ನು ಬಲ್ಬೀರ್ ಆಸ್ಪತ್ರೆ ಎಂದು ಕರೆಯುತ್ತಾರೆ.